ಬಂಟ್ವಾಳ: ಅತ್ಯಾಚಾರ ಪ್ರಕರಣ: ಆರೋಪಿಗ್ 10 ವರ್ಸ ಕರ್ಪಿಲ್ಲ ಶಿಕ್ಷೆ , ದಂಡ

Last updated on November 22nd, 2026 at 10:42 am

ಬಂಟ್ವಾಳ, ನ.21: ಐನ್ ವರ್ಸೊಗು ದುಂಬು ಪೊಂಜೊವು ಒರ್ತಿಗ್ ಆಕ್‌ದಿನ ಅತ್ತಂದೆ ಅತ್ಯಾಚಾರ ಮಲ್ತ್‌ದ್ ಕೆರ್ಪೆ ಪನ್ದ್ ಪೋಡಿಕಟ್ಟಾಯಿನ ಆರೋಪಿಗ್ ನ್ಯಾಯಂತಡೆ 10 ವರ್ಸ ಕರ್ಪಿಲ್ಲ ಶಿಕ್ಷೆ ಕೊರ್ತುಂಡು.

ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ ಸೀಮೆದ ಪೊಂಜೊವುಗು ಬರಾತಿಲ್ಲದ ಅನಿಲ್ ಪನ್ಪಿನಾಯೆ 2021ಟ್ ಹಲ್ಲೆ ಮಲ್ತ್‌ದ್ ಅತ್ಯಾಚಾರ ಮಲ್ತ್‌ದ್ ಕೆರ್ಪೆ ಪನ್ದ್ ಪೋಡಿಕಟ್ಟಾದಿನ ಬಗೆಟ್ ಪ್ರಕರಣ ದಾಕಲಾದಿತ್ತ್ಡ್.

ಜಡ್ತೆ ಣಲ್ತಿನ ಅಪಗದ ಬಂಟ್ವಾಳ ಗ್ರಾಮಾಂತರ ಸ್ಟೇಶನ್‌ದ ಎಸ್ಸೈ ಪ್ರಸನ್ನ ಎಂ.ಎಸ್. ಆರೋಪಿನ್ ಕೈದ್ ಮಲ್ತಿತ್ತೆರ್. ಅಪಗದ ಬಂಟ್ವಾಳ ವೃತ್ತ ನಿರೀಕ್ಷಕೆ ಟಿ.ಡಿ. ನಾಗರಾಜ್ ನ್ಯಾಯಂತಡೆಗ್ ದೋಷಾರೋಪಣಾ ಪಟ್ಟಿ ಸಂದಾದಿತ್ತೆರ್.

6ನೇ ಎಚ್ಚಿಗೆದ ಜಿಲ್ಲಾ ಬೊಕ್ಕ ಸೆಷನ್ಸ್ ನ್ಯಾಯಂತಡೆದ ನ್ಯಾಯಾಧೀಶೆರಾಯಿನ ರಾಜೇಶ ಮಾರುತಿ ಕಾಮಟೆ ಮೇರ್ ವಿಚಾರಣೆ ಮಲ್ತ್‌ದ್ ಆರೋಪಿಗ್ 10 ವರ್ಸ ಕರ್ಪಿಲ್ಲ ಶಿಕ್ಷೆ ಬೊಕ್ಕ 54,000 ರೂ. ದಂಡ ಪಾಡ್ದ್ ಅದೇಶ ಕೊರ್ತೆರ್. ಪ್ರಕರಣೊಡು ಸರ್ಕಾರಿ ಅಭಿಯೋಜಕೆರಾಯಿನ ಶ್ರೀ ಮೋತಿಲಾಲ ಚೌಧಾರಿ ಮೇರ್ ವಾದ ಮಂಡನೆ ಮಲ್ತೆರ್.

Leave a Reply

Your email address will not be published. Required fields are marked *

Share
error: Content is protected !!