Last updated on March 8th, 2023 at 05:17 pm
ಭ್ರಷ್ಟಾಚಾರ ವಿರೋಧಿಸಾದ್ ಕಾಂಗ್ರೇಸ್‌ದಕುಲು ಮಾರ್ಚ್ 9ಗು ಕರ್ನಾಟಕ ಬಂದ್‌ಗ್ ಲೆಪ್ಪು ಕೊರ್ದಿತ್ತೆರ್, ಇತ್ತೆ ಈ ಬಂದ್ ರದ್ದಾತ್ಂಡ್. ಎಲ್ಲೆ ರಾಜ್ಯ ಬಿಜೆಪಿ ಸರಕಾರದ ವಿರುದ್ದ ಕಾಂಡೆ 9 ರ್ದ್ 11 ಮುಟ್ಟ ರಾಜ್ಯ ಬಂದ್‌ದ ಲೆಪ್ಪು ಇತ್ತ್ಂಡ್, ಆಂಡ ಎಲ್ಲೆ ರಡ್ಡನೇ ಪಿಯುಸಿದ ಪರೀಕ್ಷೆ ಸುರು ಆಪಿನೆರ್ದಾವರ ಜೋಕುಲೆಗ್ ಕಷ್ಟ ಆವರೆ ಬಲ್ಲಿ ಪನ್ದ್ ಈ ಬಂದ್‌ನ್ ಕಾಂಗ್ರೇಸ್ ಪಿರ ದೆತೊಂದುಂಡು.
ಇಂಚಪ್ಪೊಗು ಬಿಜೆಪಿ ಶಾಸಕೆ ಮಾಡಾಳ್ ವಿರೂಪಾಕ್ಷಪ್ಪನ ಮಗೆ ಲೋಕಾಯುಕ್ತದ ಕೈಕ್ ರೆಡ್ ಹ್ಯಾಂಡಾದ್ ತಿಕ್‌ಕ್‌ದ್ ಬೂರ್ದಿತ್ತಿನವು ರಾಜ್ಯೊಡು ಮಲ್ಲ ಸುದ್ದಿ ಆದಿತ್ತ್ಂಡ್. ಬಿಜೆಪಿ ಭ್ರಷ್ಟಾಚಾರಿಲೆನ ಸರಕಾರ ಪನ್ದ್ ಎಲ್ಲೆ ಪಂಡ ಮಾರ್ಚ್ 9ಗ್ ರಾಜ್ಯ ಬಂದ್‌ಗ್ ಕಾಂಗ್ರೇಸ್ ಲೆಪ್ಪು ಕೊರ್ದಿತ್ತ್ಂಡ್.