Last updated on March 9th, 2023 at 10:55 am
ಬಂಟ್ವಾಳ : ಇಲ್ಲದ ತರ್ಕೋಲು ದೆತ್ತ್‌ದ್ ಲಕ್ಷಾಂತರ ರೂಪಾಯಿ ಮೌಲ್ಯೊದ ಪದ್ದೈಬಂಗಾರ್ ಕಲ್ವೆ ಮಲ್ದಿನ ನಡಕೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಷನ್‌ದ ಸೀಮೆಡ್ ನಡತ್‌ದ್ಂಡ್.
ಒಟ್ಟು ₹ 3,11,550 ಮೌಲ್ಯೊದ ಬಂಗಾರ್ ಕಲ್ವೆ ಆತ್ಂಡ್. 10 ಗ್ರಾಂ ತೂಕೊದ ಕೆಬಿತ ಬೆಂಡ್, 8 ಗ್ರಾಂ ತೂಕೊದ 3 ಉಂಗಿಲೊಲು, 20 ಗ್ರಾಂ ತೂಕೊದ ಹವಳದ ಮಾಲೆ, 35 ಗ್ರಾಂ ದ ಕರಿಮಣಿ, 20 ಗ್ರಾಂ ದ ರಡ್ಡ್ ಕಾಜಿ ಈತ್ ಸೊತ್ತುಲು ಕಂಡ್‌ದ್ ಪೋತ. ಈತೆತ ಒಟ್ಟು ತೂಕ 93 ಗ್ರಾಂ. ಪಗೆಲ್ ಇಲ್ಲಡ್ ಏರ್ಲಾದಾಂತಿನ ಪೊರ್ತುಡು ಕಲ್ವೆ ನಡತ್‌ದ್ಂಡ್ ಪಂದ್ ಇಲ್ಲದ ಪೊಂಜೊವು ರೋಹಿಣಿ ಒಯಿಲ್‌ಡ್ ತೆರಿಪಾದೆರ್.
ರೋಹಿಣಿ ಬೊಕ್ಕ ಇರೆನ ಕಂಡನೆ ರಡ್ಡ್ ಜನಲಾ ಬೇಲೆಗ್ ಪೋಪುನಕುಲು. ಅಂಚೆನೇ ಮಾರ್ಚ್ 7 ಕ್ ಕಾಂಡೆ ಬೇಲೆ ಪೋನಗ ತರ್ಕೋಲು ಪಾಡ್ದ್ ಐತ ಕೀನ್ ಬೆಂದ್‌ರ್‌ಡ್ ದೀದ್ ಪೋತೆರ್.
ಬಯ್ಯಡ್ ಇಲ್ಲಗ್ ಬನ್ನಗ ಬೀಗ ದೆತ್ತ್‌ದ್ ಇತ್ತ್ಂಡ್. ಬಾಕಿಲ್ ದೆತ್ತ್‌ದ್ ಅದೆತುಲಯಿ ಬನ್ನಗ ಗೋಡ್ರೆಜ್‌ಡಿತ್ತಿನ ಸೊತ್ತುಲು ತಾರಮರ ಬೂರ್ದಿತ್ತ. ಗೋಡ್ರಜ್ ಓಪನ್ ಮಲ್ತ್ ತೂನಗ ಬಂಗಾರ್ ಕಲ್ವೆ ಆತಿನ ತೆರಿದ್ಂಡ್. ಜಾಗೆಗ್ ಗ್ರಾಮಾಂತರ ಎಸ್.ಐ ಉದಯ ರವಿ ಭೇಟಿ ಕೊರ್ತೆರ್.