Last updated on May 29th, 2023 at 07:35 am
ಒಡಿಪು, ಮೇ 28: ಪೊಲೀಸ್ ಅಧಿಕಾರಿಲೆನಂಚ ನಟನೆ ಮಲ್ತ್‌ದ್ ಜನೊಕ್ಲೆರ್ದ್ ಕಾಸ್ ಪೀಂಕಾವೊಂದಿತ್ತಿನ ರಡ್ಡ್ ಜನೊನು ಮಣಿಪಾಲ ಪೊಲೀಸೆರ್ ಕೈದ್ ಮಲ್ದೆರ್.
ಶಿರ್ವ ನಿವಾಸಿ ಮಂಜುನಾಥ್ ತನ್ನ ಪಾಸಾಡಿನೊಟ್ಟುಗು ಮಣಿಪಾಲದ ಅರ್ಬಿ ಫಾಲ್ಸ್ಡ್ ಪಾತೆರೊಂದುಪ್ಪುನಗ ಹಾವೇರಿದ ಹನುಮಂತಪ್ಪೆ ಬೊಕ್ಕ ಮುರುಡೇಶ್ವರೊದ ಮಹದೇವಪ್ಪೆ ಪನ್ಪಿ ರಡ್ಡ್ ಜನ ಶಂಕಿತೆರ್ ಮೊಕಲ್ನಡೆ ಬತ್ತ್‌ದ್ ಎಂಕ್ಲು ಮಣಿಪಾಲ ಪೊಲೀಸ್ ಸ್ಟೇಷನ್‌ದ ಪೊಲೀಸ್ ಅಧಿಕಾರಿಲು ಪಂದ್ ಪನೊಂದೆರ್.
ಬೊಕ್ಕ ಮಂಜುನಾಥ್ ಆ ಜಾಗೆಡ್ ಇಪ್ಪುನೆತ ಬಗ್ಗೆ ಪ್ರಶ್ನೆ ಮಲ್ತ್‌ದ್, ಅಕುಲು ಮಣಿಪಾಲ ಪೊಲೀಸ್ ಸ್ಟೇಷನ್‌ದ ಸಬ್ ಇನ್ಸ್‌ಪೆಕ್ಟರ್ (ಎಸ್‌ಐ) ಡ ಪಾತೆರುವ ಪಂದ್ ಪನ್ತೆರ್.
ಆರೋಪಿಲು ರಡ್ಡ್ ಜನ ಕುಡೊರಿ ದಗಲ್ಬಾಜಿ ಲಕ್ಷ್ಮಣ ಕುಪ್ಪಗೊಂಡ ಪನ್ಪಿನಾಯಗ್ ಫೋನ್ ಮಲ್ತ್‌ದ್ ಸ್ಪೀಕರ್‌‌ಡ್ ಪಾಡ್ದೆರ್. ಲಕ್ಷ್ಮಣ್ ತಾನ್ ಮಣಿಪಾಲ ಪೊಲೀಸ್ ಸ್ಟೇಷನ್‌ದ ಎಸ್‌ಐ ಪಂದ್ ಮಂಗೆ ಮಲ್ತ್‌ದ್ 5 ಸಾವಿರ ರೂಪಾಯಿ ಕೊರೊಡು, ಇಜಿಂಡ ಕೇಸ್ ಪಾಡುವ ಪಂದ್ ಮಂಜುನಾಥೆರೆಗ್ ಪೋಡಿಕಟ್ಟಾದೆ. ಪೋಡಿದ್ ಮಂಜುನಾಥೆರ್ ಗೂಗಲ್ ಪೇಡ್ 5 ಸಾವಿರ ರೂ. ಕಡಪುಡ್ದೆರ್.
ಬೊಕ್ಕ ಸಂಶಯೊಡು ಮಂಜುನಾಥ್ ಮಣಿಪಾಲ ಪೊಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರ್ತೆರ್. ಮಣಿಪಾಲ ಪೊಲೀಸರು ಅಪಗನೇ ಕಾರ್ಯಪ್ರವೃತ್ತೆರಾದ್ ಜನೊಕ್ಲೆನ್ ದಗೆ ಮನ್ಪುನ ದುಷ್ಕರ್ಮಿಲೆನ್ ಅರೆಸ್ಟ್ ಮಲ್ದೆರ್.