ಒಡಿಪು : ಮೂಜಿ ಜನನ್ ಒರಿಪಾದ್ ಜೀವ ಬುಡಿನ ಉಪನ್ಯಾಸಕೆ

Last updated on May 31st, 2023 at 08:03 am

ಕಂದಾವರ ಗ್ರಾಮದ ಉಳ್ಳೂರು ಕಾಡಿನಕೊಂಡ ಪನ್ಪಿನಲ್ಪ ಬೊಬ್ಬರ್ಯಕೂಡ್ಲು ಕೆದುತ ಕೈತಲ್ ಸೋಮಾರ ಕೆದುಟು ಮುರ್ಕುದು ರಡ್ಡ್ ಜನ ತೀರಿನ ನಡಕೆ ನಡದ್ಂಡ್. ಉಂದೆಟ್ ಒರಿ ಉಪನ್ಯಾಸಕೆಲಾ ಇತ್ತ್ ಆರ್ ಮುರ್ಕೊರ್ದು ದುಂಬು ಮೂಜಿ ಜನತ ಜೀವ ಒರ್ಪಾದೆರ್ ಪನ್ದ್ ತೆರಿದ್ ಬೈದ್ಂಡ್.

ಬೊಬ್ಬರ್ಯನಕೊಡ್ಲು ಕೆದುಕು 6 ಜನ ನೀಂದರೆ ಜತ್ತಿತ್ತೆರ್. ಕಾರ್ತಿಕ್, ಕೌಶಿಕ್, ಗಗನ್ ಬೊಕ್ಕ ಭರತ್ ಪನ್ಪಿ ಪುದರ್ದ ನಾಲ್ ಜನ ಜೋಕುಲು ನೀರ್ ಡ್ ಗೊಬ್ಬೊಂದಿತ್ತೆರ್. ಅಕುಲು ನೀರ್ ಗಂತ್ ದಲ್ಪ ಪೋದು ಮುರ್ಕೊಂದಿಪ್ಪುನ ತೂಯಿನ ಕರೆಟಿತ್ತಿನ ರಾಜೇಂದ್ರ ಶೆಟ್ಟಿಗಾರ್(27) ಮೇರ್ ಲಾಗಿದ್ ಕಾರ್ತಿಕ್, ಕೌಶಿಕ್, ಗಗನ್ ನ್ ಒಯ್ತೊಂದು ಕರೆಕ್ ಬತ್ತೆರ್. ಭರತ್ ನ್ ನೀರ್ದ್ ಮಿತ್ತ್ ಕನರೆ ಪೇನಗ ಇರುವೆರ್ಲಾ ಮುರ್ಕಿಯೆರ್ ಪನ್ದ್ ತೆರಿದ್ ಬೈದ್ಂಡ್. ಅಲ್ಪದಕುಲು, ಅಗ್ನಿಶಾಮಕದಳತಕುಲು ಕಲಟ್ ನಾಡ್ನಗ ಇರುವೆರ್ನಲಾ ಪುನ ತಿಕ್ಕ್ಂಡ್ ಪನ್ದ್ ತೆರಿದ್ ಬೈದ್ಂಡ್. ರಾಜೇಂದ್ರ ಮೇರ್ ಶಂಕರನಾರಾಯಣತ ಮದರ್ ಥೆರೆಸಾ ಕಾಲೇಜಿಡ್ ಉಪನ್ಯಾಸಕೆ ಆದ್ ಬೇಲೆ ಮಲ್ತೊಂದಿತ್ತೆರ್. ಅವೆರ್ದ್ ದುಂಬು ಕುಡ್ಲದ ಎಕ್ಸ್ಪರ್ಟ್ ಕಾಲೇಜಿಡ್ ಬೇಲೆಗಿತ್ತೆರ್. ಮುರ್ಕೊಂದಿತ್ತಿನಕಲೆನ್ ಕಾಪಾಡರೆ ಪೋದು ಮೇರ್ ಜೀವ ಕಳೆಯೊಂಡೆರ್.