Last updated on June 6th, 2023 at 08:32 pm
ನರಮಾನಿ ಒರಿ ಊರುಗು ಪೋವರೆ ಬಸ್ ಕಾತ್ ಕಾತ್ ಬೊಡಿದ್ ಅಲ್ಪನೇ ಬಸ್ ಉಂತಡೆಟ್ ಇತ್ತಿನ ಬಸ್‌ನ್ ಬುಡೊಂದು ಪೋಯಿನ ನಡಕೆ ನಡತ್ಂಡ್. ಬೀದರ್ ಜಿಲ್ಲೆದ ಔರಾದ್ ಪನ್ಪಿನಲ್ಪ ಜೂನ್ 5ಕ್ಕ್ ಯಶಪ್ಪ ಸೂರ್ಯವಂಶಿ ಪನ್ಪಿನಾರ್ ಕಾಂಡೆರ್ದಿಂಚಿ ಊರುಗು ಪೋವರೆ ಬಸ್‌ಗ್ ಕಾತ್ ಕಾತ್ ಬಸ್ ಬರಂದಿನ ತೂದು ಬೆಚ್ಚೊಡು ಅಲ್ಪನೇ ಇತ್ತಿನ ಬಸ್ ಒಂಜೆತ್ತ ಡ್ರೈವರ್ ಕಂಡಕ್ಟರ್ ಚಾ ಪರಿಯರೆ ಪೋಯಿನೇ ಬಸ್ ಮಿತ್ತಾರ್ದ್ ಬುಡೊಂದು ಪೋಯೆರ್. ಪರ್ತಿನ ಅಮಲ್‌ಡ್ ಯಶಪ್ಪೆ ಇಂಚ ಮಲ್ತೆರ್, ಬಸ್‌ದ ಉಲಾಯಿ ಜನಕುಲುಲಾ ಇತ್ತೆರ್ಗೆ. ಈ ಬಸ್‌ನ್ ಬುಡ್ದ್ ಕ್ರೂಸರ್‌ಗ್ ಎಡ್ತ್ ಅಲ್ಪೊರ್ದ್ ಡಿವೈಡರ್‌ಗ್ ಎಡ್ತೆಗೆ. ಡ್ರೈವರ್ ಕಂಡಕ್ಟರ್ ಪಾರ್ ಬತ್ತ್ ಬಸ್‌ನ್ ಕಂಟ್ರೋಲ್‌ಗ್ ದೆತೊನ್ಯೆರ್. ಯಶಪ್ಪೆ ಅಲ್ಪರ್ದ್ ಪದ್ರಾಡ್ ಆಯೆಗೆ ಬೊಕ್ಕ ಸಾರ್ವಜನಿಕೆರ್ನ ಸಕಾಯೊಡು ಅರೆನ್ ಪತ್‌ತ್‌ದ್ ಔರಾದ್ ಪೋಲೀಸ್ ಸ್ಟೇಷನ್‌ಗ್ ಕೊನೊಯೆರ್.