Last updated on June 8th, 2023 at 02:47 pm
ಉಳ್ಳಾಲ: ಪೊಸ ಇಲ್ಲ್ ಗೆತೊಂದಿನ ಪೊಣ್ಣೊರ್ತಿ ಗೌಜಿಡ್ ಇಲ್ಲೊಕ್ಕೆಲ್ ನಡತ್‌ದ್ ಐನನೇ ದಿನೊಟೇ ಅವ್ವೇ ಇಲ್ಲದ ಅದೆಟ್ ಬಲ್ಲ್ ಪಾಡೊಂದು ಜೂವ ಗೆತೊಂದಿನ ನಡಕೆ ಕುಂಪಲ ಚಿತ್ರಾಂಜಲಿ ನಗರೊಡು ನಡತ್‌ದ್ಂಡ್.
ಮೂಲತಃ ಫರಂಗಿಪೇಟೆದ ಇತ್ತೆ ಕುಂಪಲ ಚಿತ್ರಾಂಜಲಿ ನಗರೊದ ನಿವಾಸಿಯಾದಿತ್ತಿನ ಅಶ್ವಿನಿ ಬಂಗೇರ(25) ಜೂವ ಗೆತ್ತೊಂದಿನ ಪೊಣ್ಣು. ಕೋಡೆ ರಾತ್ರೆ ಅಶ್ವಿನಿ ತನ್ನ ಫ್ರೆಂಡ್ ಒರ್ತಿಡ ಚಾಟ್‌ ಮಲ್ದೆರ್. ಆ ಫ್ರೆಂಡ್ ಕಾಂಡೆ ಬತ್ತ್‌ದ್ ಅದೆತ ಬಾಕಿಲ್ ದೆತ್ತ್‌ದ್ ತೂನಗ ಅಶ್ವಿನಿ ಫ್ಯಾನ್‌ಗ್ ಸೀರೆ ಕಟ್ಟ್‌ದ್ ಬಲ್ಲ್‌ಗೆತೊಂದಿನ ಗೊತ್ತಾತ್ಂಡ್.
ಅಶ್ವಿನಿ ಬರೆತಿನ 24 ಪುಟೊಕ್ಲೆನ ಡೆತ್ ನೋಟ್ ಪೊಲೀಸರೆಗ್ ತಿಕ್ಕ್‌ದ್ಂಡ್. ಡೆತ್‌ನೋಟ್‌ಡ್ ಎಂಕ್ ಇಲ್ಲ್ ಗೆತೊಂದು ದಗೆ ಆತ್ಂಡ್, ಬ್ಯಾಂಕ್ ಅಧಿಕಾರಿಲು ಬತ್ತ್‌ದ್ ಉಪದ್ರ ಕೊರ್ಪಿನ ಬಗ್ಗೆ ಬರೆತೆರ್ ಪಂದ್ ತೆರಿದ್‌ಬೈದ್ಂಡ್. ಪಿದಯೂರ್‌ಡ್ ಬಙಲೆಡಿತ್ತಿನ ಅಶ್ವಿನಿ ಒಂಜರೆ ತಿಂಗೊಲು ದುಂಬು ಊರ್‌ಗ್ ಬತ್ತಿತ್ತೆರ್. ಕುಂಪಲದ ಚಿತ್ರಾಂಜಲಿ ನಗರೊಡು ಸಂಗೀತ ಪನ್ಪಿನಾರೆರ್ದ್ ಇಲ್ಲೊಂಜೆನ್ ಗೆತೊಂದು ಜೂನ್ 3 ತಾನಿ ಪೇರ್ ಉರ್ಕರ್ತ್‌ದ್ ಅಪ್ಪೆ ದೇವಕಿ, ನೇಲ್ಯಪ್ಪೆನ ರಡ್ಡ್ ಆನ್ ಜೋಕುಲೆನೊಟ್ಟುಗು ಇತ್ತೆರ್ ಪಂದ್ ತೆರಿದ್‌ಬೈದ್ಂಡ್.
ಪುಣೊನು ಉಳ್ಳಾಲ ಪೊಲೀಸೆರ್ ಮರಣೋತ್ತರ ಪರೀಕ್ಷೆಗ್ ಕೊನೊತೆರ್.