Last updated on June 9th, 2023 at 04:09 pm
ಬಂಟ್ವಾಳ: ತೋಟೊಡು ಬಜ್ಜೈ ದೆಪ್ಪುನಗ ಕರೆಂಟ್ ಶಾಕ್ ಆಕ್‌ದ್ ಜವನೆ ಒರಿ ತೀರ್ದಿನ ನಡಕೆ ಮೆಲ್ಕಾರ್ ಆಲಂಪಾಡಿದಲ್ಪ ನಡತ್‌ದ್ಂಡ್.
ಬೋಳಿಯಾರ್ ನಿವಾಸಿ ಇಬ್ರಾಹೀಂ ರೆನ ಮಗೆ ಶಾಫೀ(29) ತೀರ್ದಿನ ಜವನೆ ಪಂದ್ ತೆರಿದ್‌ಬೈದ್ಂಡ್.
ಇನಿ ಕಾಂಡೆ ಆಲಂಪಾಡಿದಲ್ಪ ತೋಟೊದ ಬೇಲೆಗ್ ಪೋದಿತ್ತಿನ ಶಾಫೀ ಬಜ್ಜೈ ದೆಪ್ಪೆರ ಪಂದ್ ಉದ್ದೊದ ಕರೆಕ್ ಕತ್ತಿ ಕಟ್ಟ್‌ದ್ ಮಿತ್ತ್ ದೇರ್ಪುನಗ ಕರೆಂಟ್ ಶಾಕ್ ಆಕ್‌ದ್ ಅಲ್ಪನೇ ತೀರ್ದೆರ್.
ಪುಣೊನು ಬಂಟ್ವಾಳದ ಶವಾಗಾರೊಡು ದೀತೆರ್. ಜಾಗೆಗ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಮರಣೋತ್ತರ ಪರೀಕ್ಷೆ ಆಯಿಬೊಕ್ಕ ಪುಣೊನು ಇಲ್ಲದಕ್ಲೆಗ್ ಕೊರ್ಪೆರ್.