Last updated on June 10th, 2023 at 09:56 am
ಕುಡ್ಲ: ಬೇಗ ಬರ್ಸ ಬರಡ್ ಪಂದ್ ಕುದ್ರೋಳಿ ಶ್ರೀಗೋಕರ್ಣನಾಥಗ್ ಕಾಂಗ್ರೆಸ್‌ರ್ದ್ ಬೊಂಡಾಭಿಷೇಕ ಕೋಡೆ ( ಜೂನ್ 9, ಸುಕ್ರಾರ) ನಡತ್ಂಡ್.
ತುಳುನಾಡ್‌ಗ್ ನನಲಾ ಮಾನ್ಸೂನ್ ಬೈಜಿ. ಕೋಡೆ ಮುರಾನಿ ಬಿಪೊರ್ ಜಾಯ್ ಚಂಡಮಾರುತೊರ್ದಾವರ ಅಲ್ಪಲ್ಪ ಎಲ್ಯ ಬರ್ಸ ಬೈದ್ಂಡ್. ಇನಿಕ್ ಮಾನ್ಸೂನ್ ಎಂಟ್ರಿ ಆಪಿನ ನಿರೀಕ್ಷೆ ಉಂಡು. ನೆತ್ತ ನಡುಟು ಕಾಂಗ್ರೆಸ್ ಪಕ್ಷೊರ್ದು ಕೋಡೆ ಕುದ್ರೋಳಿ ಶ್ರೀಗೋಕರ್ಣನಾಥಗ್ ಬರ್ಸೊಗು ಬೋಡಾದ್ ಬೊಂಡಾಭಿಷೇಕ ನಡತ್ಂಡ್. ಉರಿದೊಂಬುರ್ದಾವರ ಜನೊಕುಲು ಸೋತುಸುಣ್ಣಾತೆರ್, ತಾರ್, ಸುದೆಕುಲು ಆಜಿದ್ ಹೋಗಿ ಪರ್ಪಿ ನೀರ್‌ಗ್ಲಾ ಬಂಙ ಆತ್ಂಡ್, ಕೆಲ ಶಾಲೆ ಕಾಲೇಜಿಲು ಜೋಕುಲೆಗ್ ರಜೆ ಕೊರ್ತ. ಅಂಚಾದ್ ಬೇಗೊಡು ಪೊರ್ಲ ಬರ್ಸ ಬತ್ತ್‌ದ್ ಲೋಕಕಲ್ಯಾಣ ಆವಡ್ ಪಂದ್ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಕುದ್ರೋಳಿ ಶ್ರೀ ಗೋಕರ್ಣನಾಥ ದೇಬೆರೆಗ್ ಬೊಂಡಾಭಿಷೇಕ ನಡತ್ಂಡ್.