Last updated on August 3rd, 2023 at 08:26 pm
ಒಡಿಪು: ರಾಜ್ಯ ಕಾರ್ಯನಿರತ ಪತ್ರಕರ್ತೆನ ಸಂಘೊದ ವತಿರ್ದ್ ಮಣಿಪಾಲೊಡು ಪತ್ರಕರ್ತೆರ್ನ ಪ್ರತಿಭಾವಂತ ಜೋಕುಲೆಗ್ ಮಾನಾದಿಗೆ ಮಲ್ಪುನ ಲೇಸ್ ಇತ್ತ್ಂಡ್. ಈ ಲೇಸ್‌ಡ್ ಒಡಿಪು ಜಿಲ್ಲೆದ ಉಸ್ತುವಾರಿ ಸಚಿವೆದಿ ಆಯಿನ ಲಕ್ಷ್ಮೀ ಹೆಬ್ಬಾಳ್ಕರ್ ಮೇರ್ ಪಾಲ್ ಪಡೆದಿತ್ತೆರ್.
ಅಲ್ಪ ಇತ್ತಿನ ಜೋಕುಲೆನೆಟ್ಟ್ ಒರಿ ಮಾತ್ರ ಆನ್ ಇತ್ತಿನಿ ಬೊಕ್ಕ ಪೂರಾ ಪೊಣ್ಣುಲು. ಅಂಚ ಪಾತೆರ್ನಗ ಯು.ಟಿ ಖಾದರ್, ಈತ್ ಜನ ಪೊಣ್ಣುಲೆನ ನಡುಟು ಈ ಒರಿ ಮಾತ್ರ ಆನ್, ಈ ಎಂಕ್ಲೆನ ಮರ್ಯಾದೆ ಒರ್ಪಾಯ ಪನ್ದ್ ಪನ್ನಗ ಅಲ್ಪ ಇತ್ತಿನ ಮಾತೆರ್ಲಾ ತೆಲ್ತೆರ್.
ಲಕ್ಷ್ಮೀ ಹೆಬ್ಬಾಳ್ಕರ್ ಪಾತೆರ್ದ್ ಉಂದು ಎಂಕುಲು ಪೊಣ್ಣುಲೆನ ಸಾಮರ್ಥ್ಯ ತೂಪಾವುಂಡು. ಆಂಡ ಇಡೀ ರಾಜ್ಯೊಡು ಯಾನ್ ಒರ್ತೇ ಪೊಣ್ಣು ಸಚಿವೆದಿ, ಯಾನ್ ವೀರ ರಾಣಿ ಕಿತ್ತೂರು ಚೆನ್ನಮ್ಮನ ನಾಡ್ ಬೆಳಗಾವಿರ್ದ್ ಬೈದಿನಾಲ್ ಪನ್ದ್ ಪಂಡೆರ್.
ಯು.ಟಿ ಖಾದರ್ ಪಾತೆರ ಪಾತೆರೊಡು, ಈರ್ ಅಲ್ತ್ ಬೈದುಪ್ಪರ್ ಆಂಡ ಇತ್ತೆ ಈರ್ ತುಳುನಾಡ್‌ದ ಉಸ್ತುವಾರಿ ಸಚಿವೆದಿ ಅಂಚಾದ್ ಮುಲ್ಪ ಬೇಲೆ ಮಲ್ಪೊಡಾಂಡ ಈರ್ ವೀರ ರಾಣಿ ಅಬ್ಬಕ್ಕ ಆವೊಡಾಪುಂಡು ಪನ್ದ್ ಪಂಡೆರ್.