Last updated on August 4th, 2026 at 05:37 pm
ಪುತ್ತೂರ್, ಆ. 04: ಬಾಡಾಯಿಗ್ ಪೋತಿನ ರಿಕ್ಷಾ ಡ್ರೈವರ್ ಒರಿ ನಿಗೂಢವಾದ್ ನಾಪತ್ತೆ ಆತಿನ ನಡಪು ಪುತ್ತೂರ್ಡ್ ನಡತ್ದ್ಂಡ್. ನಾಪತ್ತೆ ಆತಿನಾರೆನ್ ತಾಲೂಕ್ದ ಕೆದಂಬಾಡಿ ಗ್ರಾಮೊದ ತ್ಯಾಗರಾಜ ನಿವಾಸಿ ಮಹಮ್ಮದ್ ರಫೀಕ್.ಕೆ (40 ವರ್ಷ) ಪನ್ದ್ ಗುರ್ತ ಪತ್ತ್ದೆರ್.
ಮಹಮ್ಮದ್ ರಫೀಕ್ ಮೇರ್ KA21C5363 ರಿಜಿಸ್ಟ್ರೇಶನ್ದ ರಿಕ್ಷಾ ಬುಡೊಂದಿತ್ತೆರ್. ಆಗಸ್ಟ್ 2 ತಾನಿ ರಾತ್ರೆ 7.30ತ ಅಂದಾಜಿಗ್ “ಬಾಡಾಯಿ ಉಂಡು” ಪನ್ದ್ ಪನ್ಡ್ದ್ ಇಲ್ಲರ್ದ್ ಪೋತಿನಾರ್ ಕುಡ ಇಲ್ಲಗ್ ಬೈದಿಜೆರ್. ಆರೆನ ಮೊಬೈಲ್ ನಂಬ್ರಗ್ ಕಾಲ್ ಮಲ್ತ್ಂಡಲಾ ತಿಕ್ಕೊಂದಿಜ್ಜಿ. ಒರ್ಮೆಲಾ ನಾಡ್ನಗ, ಆರ್ ಬುಡೊಂದಿತ್ತಿನ ರಿಕ್ಷಾ ಪುತ್ತೂರ್ದ ಪ್ರೈವೇಟ್ ಬಸ್ ಉಂತಡೆದ ಕೈತಲ್ ಉಂತುದಿನ ತೋಜಿದ್ ಬೈದ್ಂಡ್. ಇಲ್ಲದಕುಲು ಒರ್ಮೆಲಾ ನಾಡ್ಂಡಲಾ ಒವ್ವೇ ಒಲವು ತಿಕ್ಕಂದಿನೆರ್ದಾವರ ಬೊಡೆದಿ ಪುತ್ತೂರ್ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ನಾಪತ್ತೆ ಆತಿನಾರೆನ ಗುರ್ತ ಪತ್ತರೆ:
ಪುದರ್: ಮಹಮ್ಮದ್ ರಫೀಕ್ ಕೆ.
ಪ್ರಾಯ: 40 ವರ್ಸ.
ಎತ್ತರ: ಸುಮಾರ್ 5 ಫೀಟ್.
ಚಹರೆ: ಗೋಧಿ ಮೆಯಿರಂಗ್, ಕೋಲು ಮೋನೆ, ಗಟ್ಟಿ ಸರ್ರೊ.
ಭಾಷೆ: ತುಳು, ಮಲ್ಯಾಲಿ, ಕನ್ನಡ ಬೊಕ್ಕ ಹಿಂದಿ ಪಾತೆರುವೆರ್.
ಪಾಡ್ದಿತ್ತಿನ ಕುಂಟು: ಕಪ್ಪು ಗೀಟ್ ಇತ್ತಿನ ಬೊಲ್ದು ರಂಗ್ದ ಉದ್ದ ಕೈತ ಶರ್ಟ್ ಬೊಕ್ಕ ಕಪ್ಪು ಪ್ಯಾಂಟ್. ಕಪ್ಪು ಬೆಲ್ಟ್ ಬೊಕ್ಕ ವಾಚ್ ಪಾಡ್ದಿತ್ತೆರ್.
ವಿಶೇಷ ಗುರ್ತ: ಬಲತ ಮಣಿಕಟ್ಟ್ದ ಮಿತ್ತ್ ಪರ ಗಡಿತ ಗುರ್ತ ಉಂಡು.
ಈ ಆಂಜೊವುನ ಬಗೆಟ್ ಏರೆಗಾಂಡಲಾ ಒಲವು ತಿಕ್ಕ್ಂಡ ಅತ್ತ್ಂಡ ತೋಜಿದ್ ಬತ್ತ್ಂಡ ಅಪಗನೇ ಈ ತಿರ್ತ್ ಕೊರ್ತಿನ ನಂಬರ್ಗ್ ತೆರಿಪಾಯೆರ ಪೋಲೀಸೆರ್ ಕೇನ್ದೆರ್: ಪೊಲೀಸ್ ನಿರೀಕ್ಷಕೆರ್, ಪುತ್ತೂರು ಗ್ರಾಮಾಂತರ ಸ್ಟೇಷನ್: 9480805335; ಪೊಲೀಸ್ ಉಪನಿರೀಕ್ಷಕೆರ್, ಪುತ್ತೂರು ಗ್ರಾಮಾಂತರ ಸ್ಟೇಷನ್: 9480805363; ಅತ್ತ್ಂಡ ಕೈತಲ್ದ ಪೊಲೀಸ್ ಸ್ಟೇಶನ್ಡ್ ಒಲವು ಕೊರೊಲಿ