Last updated on August 10th, 2023 at 08:40 am
ಕುಡ್ಲ: ಕಂಡನಿ ಎನ್ನ ಬಂಗಾರ್ ಕಂಡ್‌ದೆರ್ ಪಂಡ್‌ದ್ ಕಂಡನ್ಯನ ಮಿತ್ತೇ ಬೊಡೆದಿ ಒಯಿಲ್ ಕೊರ್ತಿನ ನಡಕೆ ಕುಡ್ಲಡ್ ನಡತ್‌ದ್ಂಡ್. ಈ ಬಗ್ಗೆ ಕದ್ರಿ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ದಾಕಲಾತ್ಂಡ್.
ರೆನಿಶಾ ನೊರೊನ್ಹಾ ಪನ್ಪಿನ ಪೊಂಜೊವು ತನ್ನ ಕಂಡನಿ ಮೊಹಮ್ಮದ್ ಇಲಿಯಾಸ್‌ನ ಮಿತ್ತ್ ಒಯಿಲ್ ಕೊರ್ತೆರ್. ಅತ್ತಂದೆ, ಆಯಗ್ ಸಕಾಯ ಮಲ್ದಿನಾಯನ ಮಿತ್ತ್‌ಲಾ ಒಯಿಲ್ ದಾಕಲಾತ್ಂಡ್.
ಯಾನ್ ಎನ್ನ ಕಂಡನ್ಯನೊಟ್ಟುಗು ಕುಡ್ಲದ ಕೆಪಿಟಿ ವ್ಯಾಸನಗರೊದ ಫ್ಲಾಟ್‌ಡ್ ಇತ್ತೆ. ಇಂಚಿಪ್ಪೊಗು ಎಂಕ್ಲೆಗಿರ್ವೆರೆಗ್ ಲಡಯಿ ಆಯಿನೆರ್ದಾವರ ಯಾನ್ ಅಪ್ಪೆ ಇಲ್ಲಡೆ ಪೋದಿತ್ತೆ. ಆ ಫ್ಲಾಟ್‌ಡ್ ಎನ್ನ ಸುಮಾರ್ 75 ಪವನ್ ಬಂಗಾರ್‌ನ್ ಲಾಕರ್‌ಡ್ ದೀದ್ ಪೋದಿತ್ತೆ. ಮುರಾನಿ ಫ್ಲ್ಯಾಟ್‌ಗ್ ಪೋದು ತೂನಗ ಆ ಬಂಗಾರ್ ಇಜ್ಜಂಡ್, ಅವೆನ್ ಎನ್ನ ಕಂಡನಿಯೇ ಕಂಡ್‌ದೆರ್ ಪಂದ್ ರೆನಿಶಾ ಪೊಲೀಸೆರೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್.