Last updated on December 3rd, 2023 at 08:40 am
ಈ ಸಲ ತುಳುನಾಡ್‌ಡ್ ಮೀನ್‌ದ ಕುಂದೆಲ್ ತೋಜಿದ್ ಬರೊಂದುಂಡು. ಮೀನ್ ಪತ್ತುನಕಲೆಗ್ ಆವಡ್ ಮಾರುನಕಲೆಗ್ ಆವಡ್ ಮಸ್ತ್ ಸಂಕಷ್ಟ ಆವೊಂದುಂಡು. ಮೀನ್‌ಗ್ ಕುಂದೆಲ್ ಆಯಿನೇ ಮೀನ್‌ಲ ಪಿರಿಯ ಆತ್ಂಡ್.
ಬಂಗುಡೆ, ಬೂತಾಯಿ, ಅಂಜಲ್, ಪಾಂಪ್ಲೇಟ್‌ಗೇ ಕುಂದೆಲ್ ಆದ್ ಮಾರ್ಕೇಟ್‌ಡ್ ಈ ಮೀನುಲೆನ ರೇಟ್ ಡಬಲ್ ಆತ್ಂಡ್. ಕರಿನ ಕೆಲವು ವರ್ಸೊರ್ದು ಈ ವರ್ಸನೇ ಈತ್ ಪಿರಿಯ ಆಯಿನಿ.
ಮಲ್ಲ ಬಂಗುಡೆಗ್ ಕೆಜಿಗ್ 250, ಮಲ್ಲ ಅಂಜಲ್ ಕೆಜಿಗ್ 800 ರ್ದ್ 1000 ಆತ್ಂಡ್. ಮಲ್ಲ ಪಾಂಪ್ಲೇಟ್‌ದ ರೇಟ್ 1400 ಕಡದ್ಂಡ್. ಮಲ್ಲ ಕೊಡ್ಡಯಿ ಕಲ್ಲೂರುಗು 400 ಮುಟ್ಟ ಉಂಡು.
ಮೀನ್‌ಗ್ ಬರ ಬೈದಿನೆರ್ದಾವರ ಬೋಟುಲು ಪಿರ ಬೈದ, ಏತ್ ಕಾಸ್ ಕೊರುಂಡಲಾ ಎಡ್ಡೆ ಮೀನ್ ತಿಕ್ಕೊಂದಿಜ್ಜಿ. ಮೀನ್ ಮಾರುನ ಏತೋ ಪೊಂಜೊವುಲು ಮೀನ್ ದಾಂತೆ ಇಲ್ಲಡೇ ಕುಲ್ಲುದೆರ್.