Last updated on December 14th, 2023 at 09:21 pm
ಸಂಸತ್ತ್‌ಡ್ ಅಶಿಸ್ತ್‌ಡ್ ನಡತೊಂಡಿನೆಕ್ ರಾಜ್ಯಸಭೆತ ಒರಿ ಅಂಚೆನೇ ಲೋಕಸಭೆತ 14 ಸಂಸದೆರೆನ್ ಸಸ್ಪೆಂಡ್ ಮಲ್ದ್ಂಡ್.
ಮಾಣಿಕಂ ಠಾಗೋರ್, ಕನಿಮೋಳಿ, ಪಿ.ಆರ್ ನಟರಾಜನ್, ವಿ.ಕೆ ಶ್ರೀಕಾಂತಂ, ಬೇನಿ ಬಹನ್, ಕೆ ಸುಬ್ರಹ್ಮಣ್ಯಂ, ಎಸ್.ಆರ್ ಪ್ರತಿಬನ್, ಎಸ್ ವೆಂಕಟೇಶನ್, ಮೊಹಮ್ಮದ್ ಜಾವೇದ್, ಟಿ.ಎನ್ ಪ್ರತಾಪನ್, ಹೈಬಿ ಈಡನ್, ಜ್ಯೋತಿಮಣಿ, ರಮ್ಯಾ ಹರಿದಾಸ್ ಬೊಕ್ಕ ಡೀನ್ ಕುರಿಯಾಕೋಸ್ ಕುರ್ಯಾಕಸ್ ಸಸ್ಪೆಂಡ್ ಆತಿನ ಸಂಸದೆರ್.
ಉ್ಂದೆಕ್ ದುಂಬು ಲೋಕಸಭೆತ ಐವೆರೊ ಕಾಂಗ್ರೆಸ್‌ ಸಂಸದೆರೆನ್ ಒರಿನ ಪೊರ್ತುಗು ಸಸ್ಪೆಂಡ್ ಮನ್ಪುನ ನಿರ್ಣಯ ಅಂಗೀಕಾರ ಮಲ್ತಿತ್ತ್ಂಡ್. ಸಂಸದೀಯ ವ್ಯವಹಾರೊಲೆನ ಸಚಿವೆ ಪ್ರಹ್ಲಾದ್ ಜೋಶಿ ಐವೆರೆನ್ ಅಮಾನತ್ ಮನ್ಪುನ ನಿರ್ಣಯ ಮಂಡನೆ ಮಲ್ತೆರ್.
ಸದನೊಡು ಕಲಾಪೊಗು ಅಡ್ಡಿಮಲ್ತಿನೆಕ್ ಪ್ರತಿಪಕ್ಷೊಲೆನ 15 ಸದಸ್ಯೆರೆನ್ ಅಧಿವೇಶನೊದ ಒರಿನ ಪೊರ್ತುಗು ಸಸ್ಪೆಂಡ್ ಮನ್ಪುನ ನಿರ್ಣಯ ಗೆತೊಂಡೆರ್. 15 ಸದಸ್ಯೆರೆಡ್ ಐವೆರು ಕಾಂಗ್ರೆಸ್‌ ಸಂಸದೆರ್.