Last updated on December 30th, 2023 at 06:00 pm
ಉಬಾರ್: ಕುಡ್ಲದಂಚಿರ್ದ್ ಹಾಸನಗ್ ಪೋವೊಂದಿತ್ತಿನ ಕಾರ್ ಒಂಜಿ ಅಂಕೆ ತತ್ತ್‌ದ್ ಸಾದಿಬರಿತ ಗುಂಡಿಗ್ ಬೂರ್ದಿನ ನಡಕೆ ಕುಡ್ಲ-ಬೆಂಗ್ಳೂರ್ ರಾಷ್ಟ್ರೀಯ ಪೆರ್ಸಾದಿದ ಉಬಾರ್ ಆದಿತ್ಯ ಹೋಟೆಲ್‌ದಲ್ಪ ಇನಿ ಬಯ್ಯಡ್ 5:15 ಗಂಟೆದ ಅಂದಾಜಿಗ್ ನಡತ್‌ಂಡ್.
ಹಾಸನಗ್ ಪೋವೊಂದಿತ್ತಿನ ಕಾರ್‌ಡ್ ಒಂಜಿ ಬಾಲೆ, ರಡ್ಡ್ ಪೊಂಜೊವುಲು ಸೇರ್ದ್ ನಾಲ್ ಜನ ಇತ್ತೆರ್. ಉಬಾರ್ ಆದಿತ್ಯ ಹೋಟೆಲ್‌ರ್ದ್ ಒಂತೆ ದುಂಬು ಇಪ್ಪುನ ತಿರ್ಗೆಲ್‌ಡ್ ಡ್ರೈವರ್‌ನ ಅಂಕೆ ತತ್ತ್‌ದ್ ಕಾರ್ ಸರ್ತ ಪೋದು ತಿರ್ತ್ ಬೂರ್ದ್ಂಡ್. ನಡಕೆಡ್ ಏರೆಗ್ಲಾ ದಾಲ ಪೆಟ್ಟಾತಿಜಿ.
ಮುಟ್ಟದಕುಲು ಗಾಡಿತ್ತಿನಕಲೆಗ್ ಪಿದಯಿ ಬರ್ಯೆರ ಸಕಾಯ ಮಲ್ತ್‌ದೆರ್. ರಾಷ್ಟ್ರೀಯ ಪೆರ್ಸಾದಿಡೇ ಆತಿನೆರ್ದಾವರ ಒರಕ್ ಎಲ್ಯ ಮಟ್ಟ್‌ದ ಟ್ರಾಫಿಕ್ ಜಾಮ್‌ಲಾ ತೂವರೆ ತಿಕ್ಕ್ಂಡ್.