Last updated on January 9th, 2024 at 03:27 pm
ರೀಲ್ಸ್ ಮಲ್ಪರೆ ಬುಡಂದಿನೆಕ್ಕ್ ಬೊಡೆದಿ ಒರ್ತಿ ತನ್ನ ಸಂಬಂದದಕಲೆನೊಟ್ಟುಗು ಗೋಡ್ಯೊಂದು ಕಂಡನನೇ ಕೆರ್ತಿನ ನಡಕೆ ಬಿಹಾರದ ಬೇಗುಸರಾಯ್ ಡ್ ನಡದ್ಂಡ್. ಐತಾರೆ ರಾತ್ರೆ 9 ಗಂಟೆಗ್ ಈ ನಡಕೆ ನಡದ್ಂಡ್.
ರಾಣಿ ಕುಮಾರಿ 6 ವರ್ಸದ ದುಂಬು ಲವ್ ಮಲ್ತ್ ಮಹೇಶ್ವರ್ ನ್ ಮದ್ಮೆ ಆದಿತ್ತೊಲು. ಕೊಲ್ಕತ್ತಾಡ್ ಕೂಲಿ ಬೇಲೆ ಮಲ್ತೊಂದಿತ್ತಿನ ಮಹೇಶ್ವರ್ ಇಂಚೊಗು ತನ್ನ ಮಾಮಿ ಇಲ್ಲಗ್ ಬನ್ನಗ ಕಂಡನೆ ಬೊಡೆದಿನ ನಡುಟು ಲಡಯಿ ಆದಿತ್ತ್ಂಡ್. ಬೊಡೆದಿ ರೀಲ್ ಮಲ್ಪುನ ಕಂಡನಗ್ ಪಸನ ಇತ್ತಿಜಿ. ಅಂಚ ಸುರು ಆಯಿನ ಲಡಯಿ ಅಕೇರಿಗ್ ಬೊಡೆದಿ ತನ್ನ ಮೆಗ್ಯನೊಟ್ಟುಗು ಗೋಡಿದ್ ಕಂಡನನ್ ಕೆರ್ಪಿನಡೆ ಎತ್ತ್ಂಡ್.
ಈ ಬಗೆಟ್ ಬೊಡೆದಿ ಬೊಕ್ಕ ಅಲೆನ ಸಂಬಂದದಕಲೆನ್ ಪೋಲೀಸೆರ್ ಅರೆಸ್ಟ್ ಮಲ್ದೆರ್.