Last updated on February 7th, 2024 at 02:38 pm
ಚೆನ್ನೈ: ಅಂಗಾರೆ ಚೆನ್ನೈಡ್ ಸರ್ಕಾರಿ ಬಸ್ಸ್‌ಡ್ ಪೋವೊಂದಿತ್ತಿನ ಪೊಂಜೊವು ಒರ್ತಿ ಸೀಟ್‌ದ ತಿರ್ತ್‌ದ ಬೋರ್ಡ್ ಪುಡದ್, ಬಸ್ಸ್‌ದ ಫ್ಲೋರ್‌ದ ತೂಂಬುರ್ದ್ ತಿರ್ತ್ ಬೂರ್ದೆರ್.
ವಲ್ಲಲ್ಲಾರ್ ನಗರ ಬೊಕ್ಕ ತಿರುವೆರ್ಕಾಡ್ ನಡುಟು ರೋಡ್ ನಂಬರ್ 59 ಡ್ ಪೋಪೆದಿನ ಬಸ್ಸ್‌ಡ್ ಅಮಿಜಿಕರೈ ಪನ್ಪಿನವುಲು ಈ ನಡಕೆ ನಡತ್‌ದ್ಂಡ್. ಪೊಂಜೊವು ಸೀಟ್‌ರ್ದ್ ಲಕ್ಕಿನೇ, ಆರೆನ ಕಾರ್‌ದಡಿತ ಫ್ಲೋರ್ ತಿರ್ತ್ ಬೂರ್ದ್ಂಡ್. ಅವೆತ ಒಟ್ಟುಗು ಆ ತೂಂಬುಡು ಆರ್ಲಾ ತಿರ್ತ್ ರೋಡ್‌ಗ್ ಬೂರ್ದೆರ್.
ಅಪಗನೇ ಬಸ್ಸ್‌ಡಿತ್ತಿನಕುಲು ಡ್ರೈವರ್‌ಗ್ ಇಸಯ ತೆರಿಪಾದ್, ಪೊಂಜೊವು ಗಾಡಿದಡಿಕ್ ಬೂರ್ದ್ ಞಕ್ಕೆ ಆಪಿನೆನ್ ಉಂತಾದೆರ್. ಬೊಕ್ಕ ಪೊಂಜೊವುನು ಬಸ್ಸ್‌ದ ಆಡಿರ್ದ್ ಲಕ್ಕಾದೆರ್. ಪುಣ್ಯೊಡು ಆರೆಗ್ ದಾಲ ಪೆಟ್ಟಾತಿಜಿ.
ಸಾರಿಗೆ ಅಧಿಕಾರಿಲು, ಪೋಲೀಸೆರ್ ಬತ್ತ್‌ದ್ ಜಡ್ತೆ ಮಲ್ತ್‌ದ್ ಪ್ರಕರಣ ದಾಕಲ್ತೊಂದೆರ್. ಆ ಬಸ್ಸ್‌ಡಿತ್ತಿನ ಒರಿನ ಪ್ರಯಾಣಿಕೆರೆಗ್ ಬೇತೆ ಬಸ್ಸ್‌ದ ವೆವಸ್ತೆ ಮಲ್ತ್ ಕೊರ್ತೆರ್