Last updated on February 15th, 2024 at 07:37 pm
ಇಂಚೊಗು ಬೆರಿಬೆರಿಕ್ ದೈವಾರಾಧನೆದ ಅಣುಕು ಪ್ರದರ್ಶನ ಮಲ್ತ್ ದೈವಾರಾಧಕೆರೆನ ಮನಸ್‌ಗ್ ಬೇನೆ ಮಲ್ದಿನ ಬಗೆಟ್ ತುಳುನಾಡ್ ದೈವಾರಾಧನೆ ಸಂರಕ್ಷಣಾ ಸಮಿತಿದಕುಲು ಇನಿ ಜಿಲ್ಲಾಧಿಕಾರಿಲೆಗ್ ಮನವಿ ಕೊರ್ತೆರ್. ಇಕ್ತೆ ಮೊಕಲೆಗ್ ಬೆರಿತಾಂಗಾದ್ ವಿಶ್ವ ಹಿಂದೂ ಪರಿಷತ್ ಅಂಚೆನೆ ಭಜರಂಗದಳಲಾ ಈ ಪೊರುಂಬಾಟೊಗು ಜೈದೆರ್. ಈ ಬಗೆಚ್ ಪಾತೆರಿನ ಶರಣ್ ಪಂಪ್‌ವೆಲ್ ಮೇರ್ ಒವ್ವೇ ಕಾರಣೊಗು ದೈವಾರಾಧನೆದ ದೃಶ್ಯೊಲು ಉಪ್ಪುನ ಧಾರವಾಹಿ ಟಿವಿಡ್ ಬರ್ರೆ ಬಲ್ಲಿ ಬತ್ತ್ಂಡ ಬೆಂಗಳೂರುಗು ಮುತ್ತಿಗೆ ಪಾಡುವ ಪನ್ಡ್ ಪನ್ಡೆರ್. ಒಂಜಿ ವೇಳೆ ಟಿವಿಡ್ ಬತ್ತ್ಂಡ ಎಂಕ್ಲೆನ ಪೊರುಂಬಾಟ ಜೋರುಡು ಉಪ್ಪುಂಡು. ಅಂಚೆನೆ ನನದ ಪಿಚ್ಚರ್ಡ್ ದೈವಾರಾಧನೆದ ಪ್ರದರ್ಶನ ಉಪ್ಪರೆ ಬಲ್ಲಿ ಪನ್ದ್ ರಿಷಭ್ ಶೆಟ್ಟಿಗ್ಲಾ ಎಚ್ಚರ್ಗೆ ಕೊರ್ಪ ಪನ್ದ್ ಪನ್ಡೆರ್.
ಇಂಚೊಗು ಕಾವೇರಿ ಕನ್ನಡ ಮೀಡಿಯಂ ಪನ್ಪಿನ ಒಂಜಿ ಕನ್ನಡ ಸೀರಿಯಲ್ ದೈವಾರಾಧನೆದ ಬಗೆಟ್ ಒಂಜಿ ಎಪಿಸೋಡ್‌ದ ಪ್ರೋಮೋ ಬುಡಿನವು ತುಳುನಾಡ್‌ಡ್ ಪಿಸಿರ್‌ಗ್ ನೆವನ ಆತ್ಂಡ್. ಒಂಜೆಕ್ಕ್ ರಡ್ಡೆಕ್ಕ್ ಈ ಕನ್ನಡ ಮನೊರಂಜನಾ ಉದ್ಯಮದಕುಲು ಕಾಸ್ ಮಲ್ಪರೆ ತುಳುನಾಡ ಸಂಸ್ಕೃತಿನ್ ಅಕಲೆಗ್ ಬೋಡಾಯಿಲೆಕ್ಕ ಪಾಡುನು ಮಾತ್ರ ಅತ್ತಂದೆ ಅವೆಕ್ ಮುಲ್ಪದನೇ ಕೆಲವು ಜನಕುಲು ತಾಂಗ್ ಕೊರ್ಪಿನವು ತುಳುವೆರೆ ಕಣ್ಣ್ ಕೆಂಪು ಮಲ್ದ್ಂಡ್. ಈ ಬಗೆಟ್ ತುಳುನಾಡ ದೈವಾರಾಧನಾ ಸಂರಕ್ಷಣಾ ವೇದಿಕೆದಕುಲು ಕಂಪ್ಲೇಂಟ್ ಕೊರ್ತೆರ್. ಉಂದು ಇಡೆಗೇ ಉಂತುಜಿಡ ನನಲ ಮಲ್ಲ ಮಟ್ಟ್‌ದ ಪೊರುಂಬಾಟ ನಡಪುಂಡು ಪನ್ದ್ ದೈವದ ಚಾರಿಕಿದಕುಲು ಅಂಚೆನೆ ತುಳುಪರ ಪೊರುಂಬಾಟಗಾರೆರ್ ಪನ್ತೆರ್.
