Last updated on February 23rd, 2024 at 10:56 am
ಕುಡ್ಲ: ಸ್ಟಾಕ್‌ ಟ್ರೇಡಿಂಗ್‌ ಪುದರ್‌ಡ್ ಇನ್ವೆಸ್ಟ್‌ಮೆಂಕ್ ಮನ್ಪಾದ್ 18.53 ಲ.ರೂ. ದಗೆ ಮಲ್ದಿನ ನಡಕೆ ಬೊಲ್ಪುಗು ಬೈದ್ಂಡ್.
ವಿಜಯ ಕುಮಾರ್‌ ದಗೆಯಾತಿನಾರ್. ಆರ್ ಫೇಸ್‌ಬುಕ್‌‌ಡ್ ಸ್ಟಾಕ್‌ ಟ್ರೇಡಿಂಗ್‌ ಪನ್ಪಿನ ಅಡ್ವರ್ಟೈಸಿಂಗ್ ತೂದು ಅವೆತ ಲಿಂಕ್‌ದ ಮುಕೇನ 2023ರ ಡಿ. 2 ತಾನಿ ವಾಟ್ಸ್‌ಆ್ಯಪ್‌ ಗ್ರೂಪ್‌‌ಗ್ ಸೇರ್ದಿತ್ತೆರ್. ಆ ಗ್ರೂಪ್‌ಡ್ ಪಾಕ ಜನ ಅಡ್ಮಿನ್‌, ಪದುಕೆರ್ ಇತ್ತೆರ್. ಗ್ರೂಪ್‌ದ ಚೀಫ್ ಅಡ್ಮಿನ್‌ ಆದಿತ್ತಿನ ಅಮಿತ್‌ ಶಾ ಪನ್ಪಿನಾಯೆ ದಿನೋಲ ಆನ್‌ಲೈನ್‌ ವೀಡಿಯೋ ಕ್ಲಾಸ್ ಮುಕೇನ ಸ್ಟಾಕ್‌ ಟ್ರೇಡಿಂಗ್‌ಡ್ ಕಾಸ್ ಇವ್ವೆಸ್ಟ್ ಮಲ್ತ್‌ದ್ ಡಬಲ್ ಮನ್ಪುನೆತ ಬಗೆಟ್ ತೆರಿಪಾವಂದಿತ್ತೆ.
ವಿಜಯ ಮೇರ್ ಅವೆನ್ ಸತ್ಯ ಪಂದ್ ಗೆರೆತ್‌ದ್ ಕಾಸ್ ಪಾಡ್ದಿತ್ತೆರ್. 2024ತ ಜ. 11ರ್ದ್ ಫೆ. 5 ಮುಟ್ಟ ಒಂತೆ ಒಂತೆನೇ ಒಟ್ಟುಗು 18.53 ಲ.ರೂ. ಕಟ್ಟ್‌ದಿತ್ತೆರ್. ಅವೆನ್ ಪಿರ ಗೆತೊನೆರ ಸ್ಟಾಕ್‌ ಟ್ರೇಡಿಂಗ್‌ ಕಂಪೆನಿದ ಕಸ್ಟಮರ್‌ ಕೇರ್‌‌ದಕಲೆನ್ ಕೇನ್ನಗ ಶೇ. 40 ಕಮಿಷನ್‌ ಆದ್ ಕೊರೊಡು ಅಂಚೆನೇ ನನಲಾ ಎಚ್ಚಿನ ಕಾಸ್ ಇನ್ವೆಸ್ಟ್ ಮನ್ಪೆರ ಒತ್ತಾಯ ಮಲ್ದೆರ್. ಅಪಗ ಸಂಶಯೊಡು ವಿಜಯ ಕುಮಾರ್‌ ಆರೆನ ಪಾಸಾಡಿಲೆಡ ಪಾತೆರ್ನಗ ತಾನ್ ಮಂಗೆ ಆತಿನ ತೆರಿದ್ಂಡ್. ಈ ಬಗೆಟ್ ಕುಡ್ಲ ಸೈಬರ್‌ ಪೊಲೀಸ್‌ ಸ್ಟೇಶನ್‌ಗ್ ಒಯಿಲ್ ಕೊರ್ತೆರ್.