Last updated on April 12th, 2024 at 12:33 pm
ರೋಡು ಆಕ್ಸಿಡೆಂಟ್‌ ಆದ್ ಮೆದುಳು ನಿಷ್ಕೃಿಯ ಆದಿತ್ತಿನ ಒಡಿಪು ಜಿಲ್ಲೆದ ಕೆಮ್ಮಣ್ಣ್‌ದ 46 ವರ್ಸದ ಜೋ ವಿಕ್ಟರ್ ಲೂಯಿಸ್ ಮೆರೆನ ಅಂಗಾಂಗೊನು ಅರೆನ ಕುಟುಮದಕಲೆನ ಇಚ್ಛೆದ ಲೆಕ್ಕೊಡು ದಾನ ಮಲ್ದೆರ್.
ಲೂಯಿಸ್ ಮೆರೆನ್ ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಗ್ ಸೇರ್ಪಾದಿತ್ತೆರ್. ಆರ್ ಸಮ ಆಪಿನ ಲಚ್ಚನ ತೋಜಂದಿನಪಗ ಮಾನವ ಅಂಗಾಂಗ ಕಸಿತ ಕಾಯಿದೆ 1994ತ್ತ ಲೆಕ್ಕೊಡು ತಜ್ಞ ಬೈದ್ಯೆರ್ ಮೆರೆನ್ ಬ್ರೈನ್ ಡೆಡ್ ಪನ್ದ್ ಘೋಷಣೆ ಮಲ್ದೆರ್.
ಅರೆನ ಯಕೃತ್ತ್ ಮ್ ಕುಡ್ಲ ಅಂಬೇಡ್ಕರ್‌ ಸರ್ಕಲ್‌ ಕೆಎಂಸಿ ಆಸ್ಪತ್ರೆಗ್, 1 ಕಿಡ್ನಿನ್ ಕುಡ್ಲದ ಯೇನಪೊಯ ಆಸ್ಪತ್ರೆಗ್ ಅಂಚೆನೆ 1 ಕಿಡ್ನಿನ್ ಕುಡ್ಲದ ಇಂಡಿಯಾನಾ ಆಸ್ಪತ್ರೆಗ್ ಕಡಪುಡ್ದೆರ್. 2 ಕಾರ್ನಿಯಾ ಅಂಚೆನೆ ಚರ್ಮೊನು ಮಣಿಪಾಲದ ನೋಂದಾಯಿತ ರೋಗಿಲೆಗ್ ಗಲಸರೆ ಒರಿಪಾದೆರ್ ಪನ್ದ್ ವೈದ್ಯಕೀಯ ಅಧೀಕ್ಷಕ ಡಾ| ಅವಿನಾಶ್‌ ಶೆಟ್ಟಿ ತೆರಿಪಾದೆರ್.