ಬಿಜೆಪಿದಕಲೆಗ್ ಆಪುಂಡುಡ ಕೇಂದ್ರ ಸರಕಾರೊರ್ದು ಕಸ್ತೂರಿ ರಂಗನ್ ವರದಿ ರದ್ದ್ ಮಲ್ಪಡ್ : ರಮಾನಾಥ ರೈ ಸವಾಲ್

Last updated on August 3rd, 2023 at 08:17 pm

ಕಸ್ತೂರಿ ರಂಗನ್ ವರದಿ ಕಾಲಿ ಕರ್ನಾಟಕೊಗು ಮಾತ್ರ ಅತ್ತ್, ಉ್ಂದು 10 ರಾಜ್ಯೊಲೆಗ್ ಸೇರ್ದಿನ ವಿಷಯೊ. ಬಿಜೆಪಿದ ಶಾಸಕೆರೆಗ್ ತಾಕತ್ ಉಂಡುಡ ಕೇಂದ್ರ ಸರಕಾರೊಡ ಪಾತೆರ್ದ್ ಅವೆನ್ ರದ್ದ್ ಮಲ್ಪಡ್ ಪನ್ದ್ ಮಾಜಿ ಸಚಿವೆ ರಮಾನಾಥ ರೈಕುಲು ಸವಾಲ್ ಪಾಡಿಯೆರ್.

ರಾಜ್ಯ ಸರಕಾರೊಗು ಶಿಫಾರಸ್ ಮಲ್ಪುನ ಅವಕಾಶ ಮಾತ್ರ ಉಪ್ಪುನು. ಅವೆನ್ ರದ್ದ್ ಮಲ್ಪುನ ಹಕ್ಕ್ ಉಪ್ಪುನು ಕೇಂದ್ರ ಸರಕಾರೊಗು ಮಾತ್ರ. ಕಾಂಗ್ರೇಸ್ ನ್ ದೂರುನ ಪಗತೆಗ್ ನಿಕಲ್ನವೇ ಆಯಿನ ಕೇಂದ್ರ ಸರಕಾರದ ಮಿತ್ತ್ ಒತ್ತಡ ಪಾಡ್ದ್ ವರದಿನ್ ತಿರಸ್ಕಾರ ಮಲ್ಪಾವಡ್ ಪನ್ದ್ ಪ್ರೆಸ್ ಮೀಟ್ ಡ್ ಆರ್ ಪನ್ಡೆರ್.

ರಾಜ್ಯದ ಸೂಕ್ಷ ಪಸಂದ್ರೊಲೆನ್ ಒರಿಪಾವುನ ಉದ್ದೇಸೊಡು ಕಸ್ತೂರಿ ರಂಗನ್ ವರದಿ ಆದಿತ್ತ್ಂಡ್. ಆನಿ ಯಾನ್ ಅರಣ್ಯ ಬೊಕ್ಕ ಪರಿಸರ ಸಚಿವೆ ಆದಿಪ್ಪುನಗ ಅವೆಕ್ ತಿದ್ದುಪಡಿ ಮಲ್ಪರೆ ಸಲಹೆ ಕೊರ್ದಿತ್ತ. ಆ ವರದಿ ಮಿನಿ ಜಾರಿಯಾಂಡ ಮಲೆನಾಡ್ ಬೊಕ್ಕ ತುಳುನಾಡ್ದಕಲೆಗ್ ಬಂಗ ಆಪುಂಡು ಪನ್ದ್ ತೆರಿಪಾವರೆ ಕೇಂದ್ರ ಮಂತ್ರಿ ಪ್ರಕಾಶ್ ಜವ್ಡೇಕರ್ ಕೈತಲ್ ಪೋನಗ ಮುಲ್ಪದ ಹೆಚ್ಚಿನ ಸಂಸದೆರ್ ಬೈದಿತ್ತಿಜೆರ್. ಇತ್ತೆ ಸಚಿವೆರ್ ದಾದನಾ ಪನ್ಡೆರ್ ಪನ್ದ್ ಎನನ ಟೀಕೆ ಮಲ್ಪುನ ಸಮ ಅತ್ತ್ ಪನ್ದ್ ಪನ್ಡೆರ್.