Last updated on February 3rd, 2024 at 07:35 am
ಕರೆಂಟ್ ಸಪ್ಲೈಗ್ ಟವರ್ ಮಲ್ಪರೆ ಸರ್ವೇ ಮಲ್ಪರೆ ಬೈದಿತ್ತಿನ ಅಧಿಕಾರಿಲೆನ್ ಗ್ರಾಮದಕುಲು ಪಿರ ಕಡಪುಡಿನ ನಡಕೆ ಶುಕ್ರಾರ ಇನ್ನಾಡ್ ನಡತ್ಂಡ್.
ಇನ್ನಾ ಗ್ರಾಮ ಪಂಚಾಯತಿ ವ್ಯಾಪ್ತಿದ ಹೈಸ್ಕೂಲ್ ಕೈತಲ್ದ ಸರಕಾರಿ ಜಾಗೊಡು ಜಿಲ್ಲಾಧಿಕಾರಿಲೆನ ಆದೇಶದ ಮಿತ್ತ್ ಕಾರ್ಲದ ತಹಶೀಲ್ದಾರ್ ಬೊಕ್ಕ ಬೇತೆ ಅಧಿಕಾರಿಲು ಸರ್ವೇ ಮಲ್ಪರೆ ಪಿದಡ್ನಗ ಗ್ರಾಮಸ್ಥೆರ್ ಬಾರೀ ವಿರೋಧ ಮಲ್ತೆರ್. ಉಂದೆರ್ದಾವರ ಗ್ರಾಮಸ್ಥೆರೆಗ್ ಬೊಕ್ಕ ಊರುದಕಲೆಗ್ ದಡೀತ ಪಾತೆರಕತೆ ಆಂಡ್.
ಟವರ್ ನಿರುಮರೆ ರೂಪುರೇಷೆ ರೆಡಿ ಆದಿತ್ತ್ಂಡ್, ಉಂದೆರ್ದ್ ಗ್ರಾಮಡ್ ಒಟ್ಟು 8 ಟವರ್ ನಿರುಮರೆ ಜಾಗ ಗುರ್ತ ಮಲ್ದಿತ್ತೆರ್. ಉಂದೆಕ್ ಗ್ರಾಮದಕಲೆನ ವಿರೋಧ ಇತ್ತ್ಂಡ್. ಆಂಡಲ ಶುಕ್ರಾರ ಅಧಿಕಾರಿಲು ಟವರ್ ಮಲ್ಪರೆ ಜಾಗೊನು ಸಮ ಮಲ್ಪರೆ ದುಂಬು ಬೈದಿತ್ತ್ಂಡ್.