ತುಳುನು ರಾಜ್ಯೊದ ಅಧಿಕೃತ ಭಾಷೆ ಮಲ್ಪರೆಗ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರೆನ್ ಭೇಟಿ ಆದ್ ಬಿನ್ನಪು ಮಲ್ತಿನ ಪ್ರಮೋದ್ ಮಧ್ವರಾಜ್

Last updated on March 26th, 2025 at 08:48 am

ಬೆಂಗಳೂರು: ತುಳುನು ರಾಜ್ಯೊದ ಅಧಿಕೃತ ಭಾಷೆ ಮಲ್ಪೊಡು ಪನ್ದ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆ ಶಿವರಾಜ್ ತಂಗಡಗಿ ಮೆರೆನ್ ಭೇಟಿ ಆದ್ ಪ್ರಮೋದ್ ಮಧ್ವರಾಜ್ ಬಿನ್ನಪು ಮಲ್ತೆರ್.

2000 ವರ್ಸೊರ್ದು ಮಿತ್ತ ಪರತಿರಿ ಇಪ್ಪುನ ತುಳು ಭಾಷೆಗ್ ಮಾನ್ಯತೆ ತಿಕ್ಕೊಡು ಪನ್ದ್ ಮಸ್ತ್ ವರ್ಸೊರ್ದಿಂಚಿ ಪೊರ್ಮ್ಬಾಟ ನಡತೊಂದುಂಡು. ತುಳು ಭಾಷೆನ್ 8ನೇ ಪರಿಚ್ಛೇದೊಗು ಗೋಡ್ಯಾವೊಡು, ಬೊಕ್ಕ ರಾಜ್ಯೊದ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪೊಡ್ ಪನ್ದ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ಶಿವರಾಜ್ ಎಸ್. ತಂಗಡಗಿ ಮೆರೆನ್ ಬೆಂಗಳೂರುಡು ಪ್ರಮೋದ್ ಮಧ್ವರಾಜ್ ಭೇಟಿ ಮಲ್ತಿನ ಪೊರ್ತುಡು ಆಗ್ರಹ ಮಲ್ತೆರ್. ಸಚಿವೆರ್ ಆಯಿನಾತ್ ಬೇಗೊಡು ಅಧಿಕೃತ ಘೋಷಣೆ ಮಲ್ಪುನ ಭರವಸೆ ಕೊರ್ತೆರ್.