Last updated on April 25th, 2025 at 10:13 am
ಒಡಿಪು, ಏ.24 :ಒಡಿಪು ಸಿಇಎನ್ ಪೊಲೀಸೆರ್ ಐಪಿಎಲ್ ಗೊಬ್ಬುಲೆಡ್ ಬೆಟ್ಟಿಂಗ್ ದಂಧೆ ಮಲ್ತೊಂದಿತ್ತಿನ ಮೂವೆರೆನ್ ಕೈದ್ ಮಲ್ದೆರ್.
ಒಡಿಪುದ ಸಿಇಎನ್ ಪೊಲೀಸ್ ಸ್ಟೇಶನ್ಡ ಅಪರಾಧ ನಿರೀಕ್ಷಕೆ ರಾಮಚಂದ್ರ ನಾಯಕ್ ಮೇರ್ ಅಜ್ಜೆರೆಕಾಡ್ದ ಭುಜಂಗ್ ಪಾರ್ಕ್ದ ಕೈತಲ್ ದಾಳಿ ಮಲ್ತ್ದ್ ಅಕ್ರಮ ಕ್ರಿಕೆಟ್ ಬೆಟ್ಟಿಂಗ್ ದಂಧೆನ್ ಪತ್ತ್ದೆರ್.
ಹೈದರಾಬಾದ್ಡ್ ನಡತೌನ ಸನ್ರೈಸರ್ಸ್ ಹೈದರಾಬಾದ್ (ಎಸ್ಆರ್ಎಚ್) ಬೊಕ್ಕ ಮುಂಬೈ ಇಂಡಿಯನ್ಸ್ (ಎಂಐ) ನಡುತ ಐಪಿಎಲ್ ಟಿ 20 ಗೊಬ್ಬುದ ಮಿತ್ತ್ ಬೆಟ್ಟಿಂಗ್ ಕಟ್ಟೆರೆ ಜವನೆರೆ ಕೂಟ ತನ್ಕುಲೆ ಸ್ಮಾರ್ಟ್ಫೋನ್ಲೆಡ್ “ಪಾರ್ಕರ್” ಮೊಬೈಲ್ ಬೆಟ್ಟಿಂಗ್ ಅಪ್ಲಿಕೇಶನ್ ಗಲಸೊಂದಿತ್ತಿನ ತೋಜಿದ್ ಬೈದ್ಂಡ್.
ಆರೋಪಿಲಾಯಿನ ನೂಜಿದ ಸಂದೀಪ್ (34), ಬೇಲೂರು ಗ್ರಾಮೊದ ಶ್ರೀರಾಜ್ (33) ಬೊಕ್ಕ ಮೊಳಹಳ್ಳಿದ ಮಧುಕರ್ (44) ಮೂವೆರ್ಲಾ ಕುಂದಾಪುರ ತಾಲೂಕ್ದ ನಿವಾಸಿಲಾದಿತ್ತ್ದ್, ಸಾರ್ವಜನಿಕೆರೆರ್ದ್ ಕಾಬ್ ಗೆತೊಂದು, ಬೆಟ್ಟಿಂಗ್ ಕಟ್ಟೆರೆ ಪನ್ಡ್ದ್ ಕೊರೊಂದಿತ್ತೆರ್ ಅಂಚೆನೇ ಅಕ್ರಮ ಬೆಟ್ಟಿಂಗ್ ಅಪ್ಲಿಕೇಶನ್ ಡೌನ್ಲೋಡ್ ಮಲ್ಪೆರ ಸಕಾಯ ಮಲ್ತೊಂದಿತ್ತೆರ್ ಪನ್ದ್ ಆರೋಪ ಮಲ್ದೆರ್.
ಪೊಲೀಸೆರ್ ರೂ. 81,700 ಕ್ಯಾಶ್, ನಾಲ್ ಮೊಬೈಲ್ ಫೋನ್ಲ್, ಅಪರಾಧೊಗು ಗಲಸ್ದಿನ KA-20-MF-1440 ರಿಜಿಸ್ಟ್ರೇಷನ್ದ ಕಾರ್, ಬೆಟ್ಟಿಂಗ್ಗ್ ಸಂಬಂಧಿತಿನ 20 ಸ್ಕ್ರೀನ್ಶಾಟ್ಲ್ ಬೊಕ್ಕ ಗಾಡಿದ ಆರ್ಸಿ ಸೇರ್ದ್ ಕಲ್ವ ದಾಖಲೆಲೆನ್ ವಶೊಕು ಗೆತೊಂದೆರ್. ಸಿಇಎನ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.