Last updated on July 9th, 2025 at 07:28 pm
ಚಾಮರಾಜನಗರ, ಜು. 09: ನಾಲನೇ ಕ್ಲಾಸ್ ಓದೊಂದಿತ್ತಿನ ಆಣ್ ಒರಿ ಕ್ಲಾಸ್ಡ್ ಪಾಠ ಕೇನೊಂದುಪ್ಪುನಗನೇ ಹಾರ್ಟ್ ಅಟ್ಯಾಕ್ ಆದ್ ತೀರ್ದಿನ ನಡಕೆ ಚಾಮರಾಜನಗರ ಜಿಲ್ಲೆದ ಗುಂಡ್ಲುಪೇಂಟೆದ ಕುರಬಗೇರಿ ಸರ್ಕಾರಿ ಪೆರಿಯ ಪ್ರಾಥಮಿಕ ಶಾಲೆಡ್ ನಡತ್ದ್ಂಡ್.
ತೀರ್ದಿನ ಆಣನ್ ದೊಡ್ಡಹುಂಡಿ ಗ್ರಾಮೊದ ನಾಗರಾಜು-ನಾಗರತ್ನ ದಂಪತಿಲೆನ ಮಗೆ ಮನೋಜ್ ಕುಮಾರ್ (10) ಪನ್ದ್ ಗುರ್ತ ಪತ್ತ್ದೆರ್. ಶಾಲೆಡ್ ಪಾಠ ಕೇನೊಂದಿತ್ತಿನ ಪೊರ್ತುಡು ಹಾರ್ಟ್ ಅಟ್ಯಾಕ್ ಆದ್ ಕುಸ್ಕುದ್ ಬೂರ್ದೆ, ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಲೆತೊಂದು ಪೋಪುನ ಸಾದಿಡೇ ತೀರ್ದೆ. ಆಣಗ್ ಕರಿನ ರಡ್ಡ್ ವರ್ಸೊರ್ದಿಂಚಿ ಹೃದಯೊಗು ಸಂಬಂಧಿತಿನ ಸೀಕ್ ಇತ್ತ್ಂಡ್. ಅಂಚಾದ್ ಮೈಸೂರ್ದ ಜಯದೇವ ಬೊಕ್ಕ ಅಪೋಲೋ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್ ಪನ್ದ್ ಡಿಡಿಪಿಐ ರಾಮಚಂದ್ರ ರಾಜೇ ಅರಸ್ ಒಲವು ಕೊರ್ತೆರ್.