Last updated on July 27th, 2025 at 02:34 pm
ಬೆರ್ಮಾವರ, ಜು. 27: ಮಾಬುಕಳ ಬೊಕ್ಕ ಭದ್ರಗಿರಿ ನಡುತ ಪೆರ್ಸಾದಿದ ರಡ್ಡ್ ಮೆಯಿಟ್ಲಾ ಪಾಕ ಸಮೆರ್ದಿಂಚಿ ಬಾಕಿ ಇಪ್ಪುನ ಸರ್ವಿಸ್ ರೋಡ್ನ್ ಭಾರತೀಯ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರ ಬೇಗ (ಎನ್ಎಚ್ಎಐ)ಮಲ್ತಿಜಿಂಡ, ಸೆಪ್ಟೆಂಬರ್ 4 ತಾನಿ ಬೆರ್ಮಾವರ ಬಂದ್ಗ್ ಲೆಪ್ಪು ಕೊರ್ಪ ಪನ್ದ್ ಸೇವ್ ನ್ಯಾಷನಲ್ ಹೈವೇ-66 ಸಮಿತಿ ಎಚ್ಚರ್ಗೆ ಕೊರ್ತುಂಡು.
ಪತ್ರಿಕಾಗೋಷ್ಠಿಡ್ ಪಾತೆರ್ನ ಸೇವ್ ನ್ಯಾಷನಲ್ ಹೈವೇ -66 ಸಮಿತಿದ ಸಂಚಾಲಕೆ ಗೋವಿಂದರಾಜ್ ಹೆಗ್ಡೆ, “ರಾಷ್ಟ್ರೀಯ ಪೆರ್ಸಾದಿದ ರಡ್ಡ್ ಮೆಯಿಟ್ಲಾ ಮಾಬುಕಳರ್ದ್ ಭದ್ರಗಿರಿ ಮುಟ್ಟದ ಸರ್ವಿಸ್ ರೋಡ್ ಮಲ್ಪುನವು ಎಂಕ್ಲೆನ ಪಾಕ ದಿನೊತ ಕಾಯೆಸ್. NHAI ಬೇಲೆನ್ ಕಡೆಸಾವೊಂದುಂಡು. SMS ಶಾಲೆದ ಕೈತಲ್ ಮುಟ್ಟುದಿನ ಬೇಲೆ ಅರ್ದೊಡು ಉಂತುದುಂಡು. ಎಂಕ್ಲೆನ ಕಾಯೆಸ್ಲೆಗ್ ಎಂಕ್ಲ ಸಚಿವೆರೆನ್ಲಾ ಭೇಟಿ ಆತ. NHAI ಎಂಕ್ಲೆನ ಕಾಯೆಸ್ಲೆನ್ ಕೇನೊಂದಿಜ್ಜಿ ಪನ್ದ್ ಪನ್ಡೆರ್.
NHAI ಸರ್ವೀಸ್ ರೋಡ್ದ ಬೇಲೆ, 3 ಓಪನಿಂಗ್ ಇತ್ತಿನ 7 ಪಿಲ್ಲರ್ದ ಫ್ಲೈಓವರ್ದ ಬೇಲೆನ್ ಆಗಸ್ಟ್ ಅಕೇರಿದುಲಯಿ NHAI ಪತ್ತಮಲ್ತಿಜಿಂಡ, ಸೆಪ್ಟೆಂಬರ್ 04 ತಾನಿ ಎಂಕ್ಲ ಬೆರ್ಮಾವರ ಬಂದ್ ಮಲ್ಪುವ ಪನ್ದ್ ಎಚ್ಚರ್ಗೆ ಕೊರ್ತೆರ್.
ಪತ್ರಿಕಾ ಸಭೆಟ್ ಟ್ಯಾಕ್ಸಿ ಮಾಲೀಕೆರೆ ಸಂಘೊದ ಅಧ್ಯಕ್ಷೆ ರಮೇಶ್ ನಾಯಕ್; ಆಟೋ ಡ್ರೈವರ್ನಕಲೆನ ಸಂಘೊದ ಗೌರವಾಧ್ಯಕ್ಷೆ ರಾಜು ಪೂಜಾರಿ; ಸಿಐಟಿಯು ಉಪಾಧ್ಯಕ್ಷೆ ಬಾಲಕೃಷ್ಣ ಶೆಟ್ಟಿ; ಎಸ್ಎಂಎಸ್ ಸಂಸ್ಥೆಲೆನ ಪ್ರತಿನಿಧಿ ಅಲ್ವಾರೆಸ್ ಡಿಸಿಲ್ವಾ; ಟೆಂಪೋ ಮಾಲೀಕೆರೆ ಸಂಘೊದ ದಯಾನಂದ ಶೆಟ್ಟಿ, ಪ್ರತೀತ್ ಹೆಗ್ಡೆ, ವಿಶ್ವನಾಥ ಶೆಟ್ಟಿ; ರಾಜಾರಾಮ್ ಶೆಟ್ಟಿ, ಚಂದ್ರಶೇಖರ ಹೆಗ್ಡೆ ಬೊಕ್ಕ ಬೇತೆಕುಲು ಪಾಲ್ಪಡೆದಿತ್ತೆರ್.