Last updated on July 14th, 2025 at 11:24 am
ಅಸ್ಸಾಂ, ಜು. 14: ಡಿವೋರ್ಸ್ ತಿಕ್ಕಿನ ಕುಸಿಟ್ ಆಂಜೊವು ಒರಿ ಪೇರ್ಡ್ ಮೀದ್ ಸಂಭ್ರಮಾಚರಣೆ ಮಲ್ತಿನ ನಡಕೆ ಅಸ್ಸಾಂ ರಾಜ್ಯೊದ ನಲ್ಬರಿ ಜಿಲ್ಲೆರ್ದ್ ವರದಿ ಆತ್ಂಡ್. ಇತ್ತೆ ಉಂದೆತ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.
ಮಾಣಿಕ್ ಅಲಿ ಪನ್ಪಿನಾಯೆ ಸುಮಾರ್ ನಲ್ಪ ಲೀಟರ್ ಪೇರ್ ಮೈತೊಂದು ಮೀಪುನ ಮುಕೇನ ಬೊಡೆದಿರ್ದ್ ಡಿವೋರ್ಸ್ ತಿಕ್ಕಿನೆಕ್ ಕುಸಿ ಪಡೆತೆ. ಅಂಚೆನೇ ಎಂಕ್ ನನ ಏರ್ನಲಾ ಮಂಡೆಬೆಚ್ಚ ಇಜ್ಜಿ ಪನ್ದ್ ನಲ್ತ್ದೆ.
ಎನ್ನ ಬೊಡೆದಿ ಆಲೆನ ಚಙ್ಗಾಯಿನೊಟ್ಟುಗು ರಡ್ಡ್ ಸರ್ತಿ ಇಲ್ಲ್ ಜತ್ತ್ದ್ ಬಲ್ತಿತ್ತಲ್. ಆಂಡಲಾ ಮಗಲೆನ ಭವಿಷ್ಯೊಗು ಬೋಡಾದ್ ಆಲೆನ್ ಮಾಪು ಮಲ್ತ್ದ್ ಇಲ್ಲಗ್ ಪಿರ ಲೆತೋಂದು ಬತ್ತಿತ್ತೆ. ಆಲ್ ಮೂಜನೇ ಸರ್ತಿ ಅವ್ವೇ ತಪ್ಪು ಮಲ್ತ್ದಲ್ ಅಂಚಾದ್ ಬರ ಪನ್ಪಾವೊಡಾಂಡ್. ಮಗಲ್ಲಾ ಆಲೆನೊಟ್ಟುಗು ಇಪ್ಪುನೆರ್ದಾವರ ಎಂಕ್ ನೆಮ್ಮದಿ ತಿಕ್ಕಿಲೆಕ ಆತ್ಂಡ್. ಡಿವೋರ್ಸ್ರ್ದ್ ಬೊಕ್ಕ ಪೊಸ ಜೂವನ ಸುರು ಮಲ್ತೊಂದುಲ್ಲೆ ಪನ್ದ್ ಮಾಣಿಕ್ ಅಲಿ ಪನ್ಡೊನ್ದೆರ್.