Last updated on July 30th, 2025 at 09:25 am
ಬೊಲ್ತೇರ್, ಜು. 30: ಕುಡುಮಡ್ ಎಸ್ಐಟಿ ಜಡ್ತೆ ನಡತೊಂದಿತ್ತ್ದ್, ಒಯಿಲ್ ಬರೆಪಾದಿನಾಯೆ ತೆರಿಪಾದಿನ ಸುರುತ ಜಾಗೆಡ್ ಹಿಟಾಚಿ ಗಲಸ್ದ್ ಒಕ್ಕ್ಂಡಲಾ ಒವ್ವೇ ಪುನ/ಎಲು ತಿಕ್ಕ್ದಿಜಿ ಪನ್ದ್ ತೆರಿದ್ ಬೈದ್ಂಡ್.
ನೇತ್ರಾವತಿದ ಮೀಪುನ ಜಾಗೆದಲ್ಪ ಪುನ ಕೌಂತುದಿನ ಪ್ರಕರಣೊಡು 12 ಜನ ಪೌರಕಾರ್ಮಿಕೆರೆ ಸಕಾಯೊಡು ಸುರುಟು ಪಿಕ್ಕಾಸ್, ಕೊಟ್ಟು ಪತೊಂದು ಮದ್ಯಾನ 12.30 ಕ್ ಸುರು ಆಯಿನ ಒಕ್ಕುನ ಬೇಲೆ ಮಧ್ಯಾಹ್ನ 2.30 ಮುಟ್ಟ ನಡತ್ಂಡ್. ಆಂಡ ಆತ್ನೇಟಲಾ ಒವ್ವೇ ಪುನ ತಿಕ್ಕಂದಿನೆರ್ದಾವರ ಒಯಿಲ್ ಬರೆಪಾದಿನ ಆಂಜೊವು ನನಲಾ ಒಕ್ಕೆರೆ ಪನ್ತೆ. ಅಂಚಾದ್ ತನಿಖಾಧಿಕಾರಿ ಅನುಚೇತ್ ಸೂಚನೆದ ಪ್ರಕಾರ ಮಿನಿ ಹಿಟಾಚಿ ಲೆಪ್ಪುಡಾಯೆರ್.
ಮಧ್ಯಾಹ್ನ 3.30 ಕ್ ಸುರು ಆಯಿನ ಹಿಟಾಚಿದ ಬೇಲೆ ಬಯ್ಯ ಮುಟ್ಟಲಾ ನಡತ್ದ್ ನೇಲ್ಯ ಗುರಿ ಆತ್ಂಡ್. ಆಂಜೊವು ತೂಪಾದಿನ ಸುರುತ ಜಾಗೆಡೇ ಪುನ ತಿಕ್ಕಂದಿನ, ಅಂಚೆನೇ ಬರ್ಸರ್ದಾವರ ಗುಂಡಿಡ್ ಒರತೆ ನೀರ್ ದಿಂಜೊಂದುಪ್ಪುನೆರ್ದಾವರ ಕಾರ್ಯಾಚರಣೆಗ್ ಬಂಙ ಆವೊಂದುಂಡು. ಬೊಕ್ಕ ಶ್ವಾನದಳೊಲಾ ಬತ್ತ್ದ್ಂಡ್. ಕಾರ್ಮಿಕೆರ್ ಬೊಕ್ಕ ಹಿಟಾಚಿ ಕಾರ್ಯಾಚರಣೆ ಮಲ್ತ್ದ್ ಸುಮಾರ್ 15 ಫೀಟ್ ಅಗೆಲ 8 ಫೀಟ್ ಗಂತ್ ಒಕ್ಕ್ಂಡಲಾ ಒವ್ವೇ ಪುನ/ಎಲುತ ತುಂಡು ತಿಕ್ಕ್ದಿಜಿ.
ಇನಿ ಕುಡ ರಡ್ಡನೇ ಜಾಗೆಡ್ ಒಕ್ಕುನ ಬೇಲೆ ನಡಪರೆಗುಂಡು.