Last updated on July 3rd, 2025 at 11:00 am
ಪುತ್ತೂರು, ಜು 03: ಜೆರಾಕ್ಸ್ ಮಲ್ಪಾಯೆರ ಪೇಂಟೆಗ್ ಪೋದು ಬರ್ಪೆ ಪನ್ದ್ ಪೋದಿತ್ತಿನ ಸೆಕೆಂಡ್ ಪಿಯುಸಿ ಓದೊಂದಿತ್ತಿನ ಪೊಣ್ಣು ಒರ್ತಿ ನಾಪತ್ತೆ ಆತಿನ ನಡಕೆ ಪುತ್ತೂರ್ಡ್ ನಡತ್ದ್ಂಡ್. ಈ ಬಗೆಟ್ ಪುತ್ತೂರು ಮಹಿಳಾ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಪುತ್ತೂರು ಪಡ್ನರ್ ಮುಂಡಾಜೆ ನಿವಾಸಿ ಗಿರಿಜಾ ದೇವಿ, ಮಂಟು ಪಾಸ್ವಾನ ದಂಪತಿಲೆನ ಮಗಲ್ ರೂಪ (19ವ) ನಾಪತ್ತೆ ಆತಿನ ಪೊಣ್ಣು.
ಅಪ್ಪೆ ಕುಡ್ಲದ ನರ್ಸಿಂಗ್ ಹೋಂ ಡ್, ಅಮ್ಮೆ ಒಡಿಪುಡು ಸಾರ್ಣೆ ಬೇಲೆ ಮಲ್ತೊಂದಿತ್ತ್ದ್ ಇಲ್ಲಡ್ ರೂಪ ಆಲೆನ ಮೆಗ್ಯೆ ಇತ್ತೆರ್. ಕೋಡೆ ಜೆರಾಕ್ಸ್ ಮಲ್ಪಾಯೆರ ಪೇಂಟೆಗ್ ಪೋದು ಬರ್ಪೆ ಪನ್ದ್ ಪನ್ಡ್ದ್ ಪೋದಿತ್ತಲ್. ಅವೆರ್ದ್ ಬೊಕ್ಕ ಮೊಬೈಲ್ ಸ್ವಿಚ್ ಆಫ್ ಆದಿತ್ತ್ದ್ ಇಲ್ಲಗ್ಲಾ ಬರಂದೆ, ಸಂಬಂಧೊದಕ್ಲೆನಡೆಲಾ ಪೋವಂದೆ, ದೋಸ್ತಿನಕ್ಲಡೆಲಾ ಪೋವಂದೆ ನಾಪತ್ತೆ ಆತಲ್ ಪನ್ದ್ ಅಪ್ಪೆ ಬರೆಪಾದಿನ ಒಯಿಲ್ದ ಆಧಾರೊಡು ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
ಈ ಪೊಣ್ಣು ಒಲ್ಪ ಆಂಡಲಾ ತೂಯೆರೆ ತಿಕ್ಯಲ್ನ್ಡ 6361807956 / 8971783524 ನಂಬರ್ಗ್ ತೆರಿಪಾಲೆ.