Last updated on August 11th, 2025 at 03:00 pm
ಬೆಂಗಳೂರು, ಆ. 11: ಕೋಟಿಗಟ್ಲೆ ಜನೊಕ್ರಲೆನ ಶ್ರದ್ಧೆ, ಭಕ್ತಿದ ಜಾಗೆ ಧರ್ಮಸ್ಥಳ. ಅವೆಕ್ ತೆಟ್ಟ್ ಬಯಕುನ ಅಧಿಕಾರೊನು ಏರೆಗ್ಲಾ ಕೊರ್ತುಜ ಪನ್ದ್ ಬಿಜೆಪಿ ಎಂಎಲ್ಸಿ ಸಿಟಿ ರವಿ ಆಕ್ರೋಶ ತೂಪಾದೆರ್. ಧರ್ಮಸ್ಥಳ ಪ್ರಕರಣೊದ ಪಿರವು ಮತಾಂತರ ಮಾಫಿಯಾ, ನಗರ ನಕ್ಸಲೆರ್ ಉಲ್ಲೆರ್ ಪನ್ದ್ ಆರೋಪ ಮಲ್ತಿನ ಆಲ್, ಸದನೊಡು ಧರ್ಮಸ್ಥಳ ವಿಷಯೊದ ಪ್ರಸ್ತಾಪ ಮಲ್ಪುವ ಪನ್ದ್ ಪನ್ಡೆರ್.
ಆ ಯೂಟ್ಯೂಬರ್ನ ಮಿತ್ತ್ ದಾದ ಕ್ರಮ ಗೆತೊಂದರ್? ಆಯೆ ದಾಕಲೆ ಕೊರ್ಪುಜೆ. ಆಂಡ ಯೂಟ್ಯೂಬ್ಡ್ ಬಾಯಿಗ್ ಬತ್ತಿನೆನ್ ಪಾತೆರ್ವೆ. ಆತೆಕ್ಲಾ ಭೀಮೆ ಏರ್? ಮಂಪರ್ ಪರೀಕ್ಷೆ ಮಲ್ತ್ದರಾ? ಆಯೆ ತೋಜಾದಿನ 17ಟ್ 16 ಜಾಗೆಲೆಡ್ ದಾಲ ತಿಕ್ಕ್ದಿಜಿ. ಸತ್ಯಾಸತ್ಯತೆ ತೆರಿಯಂದೆ ಜಡ್ತೆ ಮಲ್ತೊಂದುಲ್ಲೆರ್. ಉಂದೆತ ಪಿರವು ಮತಾಂತರ ಮಾಫಿಯಾ, ನಗರ ನಕ್ಸಲೆರ್ ಉಲ್ಲೆರ್. ಶ್ರದ್ಧೆಗ್ ಪೆಟ್ಟಾಂಡ ಮತಾಂತರ ಮಲ್ಪೊಲಿ. ಐಕ್ ಬೋಡಾದ್ ಇಂಚ ಮಲ್ತೊಂದುಲ್ಲೆರ್ ಪನ್ದ್ ಸಿಟಿ ರವಿ ಪನ್ಡೆರ್.