Last updated on August 9th, 2025 at 08:34 am
ಕುಂದಾಪುರ, ಆ. 09: ಕಾಂತಾರ ಸಿನೆಮಾಡ್ ರಿಷಬ್ ಶೆಟ್ಟಿ ಗಿಡತಿತ್ತಿನ ಎರು ಒಂಜಿ ತೀರ್ದ್ಂಡ್.
ಬೋಳಂಬಳ್ಳಿ ಚೈತ್ರಾ ಪರಮೇಶ್ವರ ಭಟ್ ಪನ್ಪಿನಾರೆನ ಅಪ್ಪು ಎರು ಕೋಡೆ ಶುಕ್ರವಾರ ತೀರ್ದ್ಂಡ್. ಕಾಂತಾರ ಸಿನೆಮಾಡ್ ರಿಷಬ್ ಶೆಟ್ಟಿನ ಎಂಟ್ರಿ ಸೀನ್ಡ್ ಈ ಎರು ಬೊಕ್ಕ ಉಂದೆತ ಜೋಡಿ ಕಾಲನ್ ಗಿಡಪುನ ಸೀನ್ ಇತ್ತ್ಂಡ್.
ಶೂಟಿಂಗ್ಗ್ ದುಂಬು ರಿಷಬ್ ಶೆಟ್ಟಿ ಪರಮೇಶ್ವರ ಭಟ್ರೆಡ ಟ್ರೈನಿಂಗ್ ಗೆತೊಂದಿತ್ತೆರ್. ಅಪ್ಪು ಬೊಕ್ಕ ಕಾಲೆ ಎರ್ಲೆನ್ ಗಿಡತಿತ್ತೆರ್. ನೆಲ್ಲಿಕಾರ್ದ ಶೇಣಿಕ್ ರಾಜ್ ಜೈನ್ರೆಡ ಇತ್ತಿನ ಅಪ್ಪು ಎರುನು ಪತ್ತ್ ವರ್ಸೊಗು ದುಂಬು ಬೋಳದಗುತ್ತು ಸತೀಶ್ ಶೆಟ್ರ್ ಲೆತೊಂದು ಬತ್ತಿತ್ತೆರ್. ಅಪ್ಪು ನಾಯೆರ್ ಜೂನಿಯರ್ ವಿಭಾಗೊಡು ರಡ್ಡ್ ಸರ್ತಿ ಸರಣಿಶ್ರೇಷ್ಠ ಪ್ರಶಸ್ತಿ ಗೆಂದ್ದಿತ್ತೆ. ಅವೆರ್ದ್ ಬೊಕ್ಕ ಬೋಳಂಬಳ್ಳಿ ಇಲ್ಲಗ್ ಸೇರ್ದೆ.
ಒಡಿಪುಡು ನಡಪುನ ಸಾಂಪ್ರಾದಾಯಿಕ ಕಂಬುಲಡ್ ಅಪ್ಪು ಬೆರಿಬೆರಿ ಐನ್ ವರ್ಸ ಚಾಂಪಿಯನ್ ಆದಿತ್ತೆ. 2023ಟ್ ನಡತಿನ ಬೆಂಗಳೂರು ಕಂಬುಲಡ್ ಕನೆಪಲಯಿ ವಿಭಾಗೊಡು ನಿಶಾನಿಗ್ ನೀರ್ ರಾಪಾದ್ ಕಡೀರ ತಾನೋ ಗೆಂದ್ದಿತ್ತೆ.