ಬೊಲ್ತೇರ್: ಪಾಕ ತುಳು ನಾಟಕೊಲೆನ್ ಬರೆತಿನ ಬರವುಗಾರೆ ನಾರಾಯಣ ಕೊಯಿಲ ಡೆಂಗ್ಯೂ ಜ್ವರೊಟು ತೀರ್ಯೆರ್

Last updated on August 9th, 2025 at 11:03 am

ಬೊಲ್ತೇರ್, ಆ. 09: ಶಂಕಿತ ಡೆಂಗ್ಯೂ ಜ್ವರೊರ್ದಾವರ ತುಳುನಾಡ್‌ದ ಯುವ ಬರವುಗಾರೆ ಮರ್ದ್ ಪಲಿಪಂದೆ ಕೋಡೆ, ಶುಕ್ರವಾರ ತೀರ್ದೆರ್. ತೀರ್ದಿನಾರೆನ್ ಬಂಟ್ವಾಳ ತಾಲೂಕ್‌ದ ಕೊಯಿಲ ಗ್ರಾಮೊದ ಕುಡ್ಮಣಿ ನಿವಾಸಿ, ದಿವಂಗತ ಬೊಮ್ನಾಲೆ ಮೆರೆನ ಮಗೆ ನಾರಾಯಣ ಕೊಯಿಲ (35) ಪನ್ದ್  ಗುರ್ತ ಪತ್ತ್‌ದೆರ್.

ಕೆಲ ದಿನೊಕು ದುಂಬು ಜ್ವರ ಬತ್ತಿನೆರ್ದಾವರ ಆರೆನ್ ಕುಡ್ಲದ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಮೇಸ್ತ್ರಿ ಬೇಲೆಗ್ ಪೋವೊಂದಿತ್ತಿನ ನಾರಾಯಣೆರ್ ಆರೆನ ಇಲ್ಲದ ಒಂಜೇ ಕುಬಲ್ ಆದಿತ್ತೆರ್. ಒರಿ ಚಾತುರ್ಪುದ ಬರವುಗಾರೆ ಆದಿತ್ತಿನ ನಾರಾಯಣೆರ್ 12 ರ್ದ್‌ಲಾ ಎಚ್ಚ ತುಳು ನಾಟಕೊಲೆನ್ ಬರೆತೆರ್, ಅವೆಟ್ ‘ಪಂಡ ಕೆನುಜೆರ್’ ನಾಟಕೊಗು ಪ್ರಶಸ್ತಿ ತಿಕ್ಕ್‌ದ್ಂಡ್, ಈ ನಾಟಕ ನೂದೆರ್ದ್ ಎಚ್ಚ ಪ್ರದರ್ಶನೊಲಾ ಆತ್ಂಡ್.

ನಾರಾಯಣೆ ಬೇತೆ ಬೇತೆ ಸಾನ ಬೊಕ್ಕ ದೇಲಂತಡೆಲೆನ ತುಳು, ಕನ್ನಡ ಭಕ್ತಿ ಬೊಕ್ಕ ಜಾನಪದ ಪದೊಕುಲೆನ್ ಬರೆತೆರ್. ಆರ್ ಕಲಾತ್ಮಕ ಕೊರ್ಪುಗೆಲೆನ ಒಟ್ಟುಗು, ಬೇತೆ ಬೇತೆ ಧಾರ್ಮಿಕ ಬೊಕ್ಕ ಸಾಮಾಜಿಕ ಬೇಲೆಲೆಡ್ ಕೈಗೋಡ್ಯಾವೊಂದಿತ್ತೆರ್.