Last updated on August 9th, 2025 at 07:46 pm
ಬಾಗಲಕೋಟೆ, ಆ 09: ರ್ಯಾಗಿಂಗ್ ಮಲ್ತಿನೆಕ್ ಬೆಸರಾದ್ ಎಂಎ ಫೈನಲ್ ಕಲ್ತೊಂದಿತ್ತಿನ ಪೊಣ್ಣು ಒರ್ತಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬಾಗಲಕೋಟೆ ಜಿಲ್ಲೆದ ಗುಳೇದಗುಡ್ಡ ಪೇಂಟೆಡ್ ನಡತ್ದ್ಂಡ್.
ತೀರ್ದಿನಾಲೆನ್ ಅಂಜಲಿ ಮುಂಡಾಸ(21) ಪನ್ದ್ ಗುರ್ತ ಪತ್ತ್ದೆರ್. ಭಂಡಾರಿ ಕಾಲೇಜ್ದ ಬಿಎ ಫೈನಲ್ ಕಲ್ತೊಂದಿತ್ತಿನ ಅಂಜಲಿ, ಕೋಡೆ ಕಾಲೇಜ್ಡ್ ನಡತಿನ ರ್ಯಾಗಿಂಗ್ಡ್ ಮಾನಸಿಕ ಕಿರುಕುಳ ಕೊರ್ತೆರ್ ಪನ್ದ್ ಆರೋಪ ಮಲ್ತ್ದ್ ಜೂವ ಬುಡ್ತಲ್. ಆತ್ಮಹತ್ಯೆ ಮಲ್ತೊನರೆ ದುಂಬು ಡೆತ್ನೋಟ್ ಬರೆದ್ ದೀದಿತ್ತ್ದ್, ಅವೆಟ್ ಮೂಜಿ ಜನತ ಪುದರ್ ಬೊಕ್ಕ ಅಕ್ಲೆನ ಮೊಬೈಲ್ ನಂಬರ್ ಬರೆದ್ ದೀತಲ್.
ಎನ್ನ ಸಾವುಗು ವರ್ಷಾ ಜಮ್ಮನಕಟ್ಟಿ ಬೊಕ್ಕ ಪ್ರದೀಪ್ ಅಳಗುಂದಿ ನೆವನ. ಎಂಕ್ ಮಾನಸಿಕವಾದ್ ಉಪದ್ರ ಕೊರ್ತೆರ್, ಮೊಕಲೆನ್ ಬುಡೊರ್ಚಿ. ಗುಡ್ ಬೈ ಪನ್ದ್ ಸೈನ್ ಪಾಡ್ದ್ ಆತ್ಮಹತ್ಯೆ ಮಲ್ತೊಂದಲ್. ಈ ಬಗೆಟ್ ಗುಳೇದಗುಡ್ಡ ಪೊಲೀಸ್ ಸ್ಟೇಶನ್ಡ್ ಎಫ್ಐಆರ್ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಕಾಲೇಜ್ದ ಒರಿ ವಿದ್ಯಾರ್ಥಿಡ ಎಡ್ಡೆಡ್ ಇತ್ತಿನೆಕ್ ಬೊರ್ಚಂದಿನ ಅರ್ಥ ಕೊರ್ದು, ಅದೆಟ್ ಪತ್ತ್ರ್ದ್ ಪಾಡ್ದ್ ಮಾನಸಿಕ ಹಿಂಸೆ ಕೊರ್ತೆರ್ ಪನ್ಪಿನ ಆರೋಪ ಕೇನ್ದ್ ಬೈದ್ಂಡ್. ಪಿಯುಸಿ ಕಾಲೇಜ್ ರೂಮ್ ನಂ 21ಗ್ ಲೆತೊಂದು ಪೋದ್ ರ್ಯಾಗಿಂಗ್ ಮಲ್ದಿನ ಆರೋಪ ಇತ್ತ್ದ್, ಇತ್ತೆ ಪೊಲೀಸೆರ್ ಕಾಲೇಜ್ದ ಸಿಸಿ ಕ್ಯಾಮೆರಾ ಪರಿಶೀಲನೆ ಮಲ್ತೊಂದುಲ್ಲೆರ್.