Last updated on August 22nd, 2025 at 02:18 pm
ಬೆಂಗಳೂರು, ಆ. 22: ಗ್ಯಾರಂಟಿ ಯೋಜನೆಲೆರ್ದ್ ಶಾಸಕೆರೆಗ್ ಅನುದಾನ ತಿಕ್ಕೊಂದಿಜ್ಜಿ, ಉಂದೆರ್ದಾವರ ಅಭಿವೃದ್ಧಿ ಬೇಲೆಲು ನಡತೊಂದಿಜ್ಜ ಪನ್ದ್ ವಿಪಕ್ಷ ಬಿಜೆಪಿ ಬೊಕ್ಕ ಜೆಡಿಎಸ್ ನಾಯಕೆರ್ ಆರೋಪ ಮಲ್ತೊಂದುಲ್ಲೆರ್. ಕುಡ ಕಾಂಗ್ರೆಸ್ ಶಾಸಕೆರೆನ ಕ್ಷೇತ್ರೊಲೆಗ್ ಮಾತ್ರ ಎಚ್ಚ ಅನುದಾನ ಕೊರೊಂದುಲ್ಲೆರ್ ಪನ್ಪಿನ ಆರೋಪಲಾ ಉಂಡು.
ಉಂದೆತ ನಡುಟು ಜಾತಿ ತೂದು ಸಚಿವೆರ್ ಅನುದಾನ ಕೊರೊಂದುಲ್ಲೆರ್ ಪನ್ದ್ ಜೆಡಿಎಸ್ ಶಾಸಕೆ ಶರಣಗೌಡ ಕಂದಕೂರು ಗಾತಿದ ಆರೋಪ ಮಲ್ತ್ದೆರ್. ಸದನೊಡು ಆಗಸ್ಟ್ 20ದಾನಿ ಅನುದಾನ ತಾರತಮ್ಯ ಬಗೆಟ್ ಚರ್ಚೆ ಮಲ್ಪುನಗ ಪಾತೆರ್ನ ಜೆಡಿಎಸ್ ಶಾಸಕೆ ಶರಣಗೌಡ ಕಂದಕೂರು, ಜಾತಿ ತೂದು ಸಚಿವೆರ್ ಅನುದಾನ ಕೊರ್ಪೆರಾ? ದಾಯೆ ಪನ್ಡ ಯಾನ್ ಅನುದಾನ ಕೇನ್ಯೆರ ಎನ್ನ ಅಮ್ಮೆರೆನ ಕಾಲಮಾನೊದ ಒರಿ ಸಚಿವನ ಕೈತಡೆ ಪೋದಿತ್ತೆ. ಅಪಗ ಈ ವಾ ಜಾತಿದಾಯೆ ಪನ್ದ್ ಕೇನ್ಡೆರ್ ಪನ್ದ್ ಸದನೊಡು ತನ್ನ ಅಸಮಧಾನ ತೂಪಾಯೆರ್.
ಜಾತಿ ತೂದು ಬೇಲೆ ಮಲ್ಪುಂಡ ಅಧಿಕಾರಿಲು ಎಂಚ ತೂವೆರ್. ಎಫ್ಡಿಡ್ ಫೈಲ್ಲ್ ವಿಧಾನಸೌಧೊರ್ದು ಎತ್ತರ ಬೂರ್ದ ಪನ್ದ್ ಅಧಿಕಾರಿಲೇ ಪನ್ತೆರ್. ಅಂಚಾದ್ ವಾ ಶಾಸಕೆರೆಗ್ಲಾ ಅನುದಾನೊಡು ಎಚ್ಚಿಕಮ್ಮಿ ಮಲ್ಪೊರ್ಚಿ ಪನ್ದ್ ಆರ್ ಪನ್ತೆರ್.