Last updated on August 8th, 2025 at 12:34 pm
ಕುಡ್ಲ, ಆ. 08: ಸ್ಕೂಟರ್ ಕರೆಂಟ್ ಕುಂದೊಗು ಎಡ್ತ್ದ್ ಕೋಟೆಪುರದ ಉದ್ಯಮಿ ಒರಿ ತೀರ್ದಿನ ನಡಕೆ ತೊಕ್ಕೊಟ್ಟು-ಉಳ್ಳಾಲ ಸಾದಿದ ಸುಂದರಿಬಾಗ್ ಪನ್ಪಿನಲ್ಪ ಕೋಡೆ, ಆಗಸ್ಟ್ 7ತಾನಿ ಬಯ್ಯಡ್ ನಡತ್ದ್ಂಡ್.
ಉಳ್ಳಾಲ ಕೋಟೆಪುರ ನಿವಾಸಿ, ಇತ್ತೆ ಮುಕ್ಕಚ್ಚೇರಿಡ್ ಇಪ್ಪುನ ಇಬ್ರಾಹಿಂ (47) ಯಾನೆ ಕಮಾಲ್ ತೀರ್ದಿನಾರ್. ಕುಡ್ಲಡ್ ಡಕ್ಕೆಡ್ ಮೀನದ ವೈವಾಟ್ ಮಲ್ತೊಂದು ಇತ್ತಿನಾರ್ ಬಯ್ಯಡ್ ತೊಕ್ಕೊಟ್ಟು ರ್ದ್ ಇಲ್ಲದಂಚಿ ಮಗನ್ ಕುಲ್ಲಾವೊಂದು ಸ್ಕೂಟರ್ಡ್ ಪೋನಗ, ಆಯ ತತ್ತ್ದ್ ಸ್ಕೂಟರ್ ಕರೆಂಟ್ ಕುಂದೊಗು ಎಡ್ತ್ದ್ಂಡ್. ಗಾತಿದ ಗಡಿಕುಲಾದಿತ್ತಿನ ಇಬ್ರಾಹಿಂ ಅಲ್ಪನೇ ತೀರ್ದೆರ್. ತೆನ್ಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.