Last updated on September 15th, 2025 at 12:32 pm
ದುಬೈ, ಸೆ. 15: ಏಷ್ಯಾ ಕಪ್ 2025ತ ಟೂರ್ನಿದ ಪಾಕ್ ವಿರುದ್ಧೊದ ಗೆಲ್ಮೆನ್ ಪಹಲ್ಗಾಮ್ ಸಂತ್ರಸ್ತೆರ್ ಬೊಕ್ಕ ಭಾರತೀಯ ಸಶಸ್ತ್ರ ಡಂಡ್ಗ್ ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್ ಅರ್ಪಣೆ ಮಲ್ತ್ದೆರ್.
ಗೊಬ್ಬು ಗೆಂದ್ದ್ ಪಾತೆರ್ನ ಸೂರ್ಯಕುಮಾರ್, ಉಂದೊಜಿ ಪರಿಪೂರ್ಣ ಪೊರ್ತು ಪನ್ದ್ ಯಾನ್ ಎನ್ನುವೆ. ಪಹಲ್ಗಾಮ್ ಸಂತ್ರಸ್ತೆರೆ ಇಲ್ಲದಕ್ಲೆನ ಒಟ್ಟುಗು ಎಂಕ್ಲ ಉಂತುವ, ನಮ್ಮ ಒತ್ತರ್ಮೆನ್ ತೋಜಾದ. ಈ ಗೆಲ್ಮೆನ್ ನಮ್ಮ ಮಾತಾ ಭಾರತೀಯ ಸಶಸ್ತ್ರ ದಂಡ್ಗ್ ಅರ್ಪಣೆ ಮಲ್ಪೆರ ಬಯಕುವ. ಅಕುಲು ಪಮಕ್ ಮಾತೆರೆಗ್ಲಾ ಇತ್ತೆಗ್ಲಾ, ನನಗ್ಲಾ ಸ್ಫೂರ್ತಿ ಪನ್ದ್ ಪನ್ಡೆರ್.
ಟಾಸ್ದ ಪೊರ್ತುಡು ಪಾಕ್ ಕ್ಯಾಪ್ಟನ್ನ ಹ್ಯಾಂಡ್ಶೇಕ್ ಮಲ್ಪೆರ ಭಾರತೊದ ಕ್ಯಾಪ್ಟನ್ ಸೂರ್ಯಕುಮಾರ್ ನಿರಾಕರಿತೆರ್. ಅಕೇರಿಗ್ ವಿನ್ನಿಂಗ್ ಶಾಟ್ ಆಕ್ದ್ ಶಿವಂ ದುಬೆಗ್ ಮಾತ್ರ ಹ್ಯಾಂಡ್ಶೇಕ್ ಮಲ್ತಿನ ಸೂರ್ಯೆ, ಪಾಕ್ ಗೊಬ್ಬುಗಾರೆರೆನ್ ಗೆನ್ಪಂದೆ ಹ್ಯಾಂಡ್ಶೆಕ್ ಮಲ್ಪಂದೆ ಕಲೊರ್ದು ಪಿದಯಿ ಬತ್ತೆರ್.
ಈ ವರ್ಸೊದ ಸುರುಟು ಕಾಶ್ಮೀರಡ್ ನಡತಿನ ಭೀಕರ ಭಯೋತ್ಪಾದಕ ದಾಳಿಡ್ 26 ಅಮಾಯಕ ಜೂವೊಲು ಬಲಿ ಆದಿತ್ತ. ಉಂದಾಯಿ ಬೊಕ್ಕ, ಭಾರತ, ಪಾಕಿಸ್ತಾನ ಬೊಕ್ಕ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ (ಪಿಒಕೆ) ಡ್ ಭಯೋತ್ಪಾದಕ ಶಿಬಿರೊಲೆನ್ ಈಡ್ ಮಲ್ತ್ದ್ ಆಪರೇಷನ್ ಸಿಂಧೂರ ಕಾರ್ಯಾಚರಣೆ ಮಲ್ತಿತ್ತ್ಂಡ್. ಈ ನಡಕೆಲು ನಡತಿ ಬೊಕ್ಕ ಕಡೀರ ಸರ್ತಿ ಭಾರತ ಬೊಕ್ಕ ಪಾಕಿಸ್ತಾನ ಕ್ರಿಕೆಟ್ ಕೂಟೊಲು ಎದುರೆದುರಾತ.