Last updated on September 15th, 2025 at 02:08 pm
ಮೈಸೂರು, ಸೆ. 15: ಎಡ್ತೆಲೆನ ಉಂತಾಯೆರ ಬೋಡಾದೇ ರೋಡ್ ಸೇಫ್ಟಿ ಕಾನೂನು ಲೆನ್ ಮಲ್ತ್ದ. ಆಂಡಲಾ ಡ್ರೈವರ್ನಕ್ಲೆನ ಕೈರ್ದ್ ತಪ್ಪಾದ್ ನಡಪುನ ಎಡ್ತೆಲೆಗ್ ಸರ್ಕಾರ ಎಂಚ ಜಬದರಿ ಆಪುಂಡು? ಪನ್ದ್ ಸಿಎಂ ಸಿದ್ದರಾಮಯ್ಯೆ ಪ್ರಶ್ನೆ ಮಲ್ತ್ದೆರ್.
ಹಾಸನ ಗಣಪತಿ ವಿಸರ್ಜನೆ ಮೆರವಣಿಗೆದ ಪೊರ್ತುಡು ನಡತಿನ ಟ್ರಕ್ ದುರಂತೊಡು 10 ಜನ ತೀರ್ದಿನ ಪ್ರಕರಣೊಗು ಸಂಬಂಧಿತ್ದ್ ಪಾತೆರ್ನ ಆರ್, ಡ್ರೈವರ್ಲೆನ ಗೋಸ್ಮರಿಡ್ ಅಪಘಾತ ಆಂಡ ಅವೆಕ್ ಸರ್ಕಾರ ಎಂಚ ಜಬದರಿ ಆಪುಂಡು? ಪನ್ದ್ ಕೇನ್ಡೆರ್.
“ಕ್ಯಾಂಟರ್ ಗುದ್ದುದು ಅಪಘಾತ ಆತ್ಂಡ್. ತೀರ್ದಿನಕ್ಲೆನ ಇಲ್ಲದಕ್ಲೆಗ್ ಎಂಕ್ಲೆನ ಸಂತಾಪ ಉಂಡು. ನಡಕೆದ ಬಗೆಟ್ ತೆರಿನನೇ ಉಸ್ತುವಾರಿ ಸಚಿವೆ ಕೃಷ್ಣೇಬೇರೇಗೌಡೆರೆಗ್ ಅಡೆ ಪೋದು, ಕ್ರಮ ಗೆತೊಂದು ಪರಿಹಾರ ಘೋಷಣೆ ಮಲ್ಪೆರ ಪನ್ತೆ. ಅಂಚೆನೇ 5 ಲಕ್ಷ ಪರಿಹಾರ ಘೋಷಣೆ ಮಲ್ತ್ದೆರ್” ಪನ್ದ್ ಒಲವು ಕೊರ್ಯೆರ್.
10 ಲಕ್ಷ ರೂ. ಪರಿಹಾರ ಕೊರ್ಯೆರ ಬಿಜೆಪಿ ಆಗ್ರಹ ಮಲ್ತೊಂದುಪ್ಪುನ ಬಗೆಟ್ ಪಾತೆರ್ದ್, “ಬಿಜೆಪಿದಕುಲು ಅಧಿಕಾರೊಡು ಇಪ್ಪುನಗ ಏತ್ ಪರಿಹಾರ ಕೊರ್ತೆರ್? ಪರಿಹಾರ ಕೊರ್ಪುನ ತೀರ್ದಿನಕ್ಲೆನ್ ಪಿರ ಕನಪ ಪನ್ದ್ ಅತ್ತ್. ಸರ್ಕಾರ ದುಂಬುರ್ದ್ಲಾ ಪರಿಹಾರ ಕೊರೊಂದುಂಡು. ಎಡ್ತೆಡ್ ತೀರಿನಕ್ಲೆಗ್ 5 ಲಕ್ಷ ರೂ., ಆಕಸ್ಮಿಕವಾದ್ ತೀರಿನಕ್ಲೆಗ್ 2 ಲಕ್ಷ ರೂ. ಕೊರೊಂದುಲ್ಲ. ಆರ್ಥಿಕವಾದ್ ಬಂಙೊಡುಲ್ಲೆರ್ ಪನ್ಪಿ ನೆವನೊಡು ಬೊಕ್ಕ ಸಾಂತ್ವನ ಪನ್ಪಿನ ಉದ್ದೇಶೊಡು ಪಿರಿಕಟ್ಟ್ದ ಕಾಸ್ ಕೊರೊಂದುಲ್ಲ ಅತ್ತಂದೇ ಸಾವುಗು ಸಮಾನ ಪನ್ದ್ ಅತ್ತ್” ಪನ್ದ್ ಪನ್ಡೆರ್.