Last updated on September 9th, 2025 at 03:45 pm
ಪಾಣಾಜೆ, ಸೆ. 09: ಚಂದ್ರಗಿರಿಟ್ ಮೇಯೆರೆ ಬುಡ್ತಿನ ಪೆತ್ತ ಕಾಣೆ ಆತಿನ ಬಗೆಟ್ ಒಯಿಲ್ ದಾಕಲಾತ್ಂಡ್. ಈ ನಡಕೆರ್ದಾವರ ಮುಲ್ಪದ ಕೃಷಿಕೆರೆಗ್ ಅಂಚೆನೇ ಕೈಕಂಜಿ ಸಾಂಕುನಕಲೆಗ್ ಮಂಡೆಬೆಚ್ಚ ಸುರು ಆತ್ಂಡ್.
ಗುರುವಾರ ಕಾಂಡೆ ಸುಮಾರ್ 11 ಗಂಟೆರ್ದ್ ಮದ್ಯಾನ 2 ಗಂಟೆದ ಉಲಯಿಡ್ ಚಂದ್ರಗಿರಿಟ್ ಮೇಯೆರೆ ಬುಡ್ದಿತ್ತಿನ 102996883365 ಟ್ಯಾಗ್ ನಂಬರ್ದ ಪೆತ್ತ್ ನಾಪತ್ತೆ ಆತ್ಂಡ್ ಕರಿನ ನಾಲ್ ದಿನೊರ್ದಿಂಚಿ ನಾಡ್ಂಡಲಾ ಒವ್ವೇ ಒಲವು ತಿಕ್ಕ್ದಿಜಿ. ಮಾಸೊಗು ಬೋಡಾದ್ ಏರ್ಲಾ ಕನ್ಡ್ದ್ ಕೊನೊದಿಪ್ಪೆರ್ ಪನ್ಪಿ ಸಂಶಯೊಲಾ ಉಂಡಾತ್ಂಡ್.
ಈ ಬಗೆಟ್ ಗಣೇಶ್ ಎ. ಆರ್. ಚಂದ್ರಗಿರಿ ಮೇರ್ ಸಂಪ್ಯ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದ್, ನಡಕೆದ ಜಡ್ತೆ ಮಲ್ತ್ದ್ ಬೋಡಾಪಿನ ಕ್ರಮ ಗೆತೊನರೆ ಕಾಯೆಸ್ ಮಲ್ದೆರ್ ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್.