Last updated on September 5th, 2025 at 09:27 am
ಬೆಂಗಳೂರು, ಸೆ. 05: ಪ್ಲಾಸ್ಟಿಕ್ ಗನ್ ಪತೊಂದು ಬಂಗಾರ್ದ ಕಟ್ಟೆಡ್ ಕನ್ಡ್ದಿನ ಗ್ಯಾಂಗ್ದ ಆರೋಪಿಲೆನ್ ಕೈದ್ ಮಲ್ಪುನೆಟ್ ಪೊಲೀಸೆರ್ ಯಶಸ್ವಿ ಆತೆರ್.
ಮೊಹಮ್ಮದ್ ರಫಿಕ್, ಮೊಹಮ್ಮದ್ ಇಬ್ತೇಕರ್, ರಂಶಾದ್ ಕೈದಾತಿನ ಆರೋಪಿಲು. ನಾಲ್ವೆರೆಡ್ ಮೂವೆರ್ ಆರೋಪಿಲೆನ್ ಮಾದನಾಯಕನಹಳ್ಳಿ ಪೊಲೀಸೆರ್ ಕೈದ್ ಮಲ್ತ್ದೆರ್. 50ರ್ದ್ಲಾ ಎಚ್ಚ ಪ್ರಕರಣೊಲೆಡ್ ಮೊಕಲೆನ ಕೈ ಉಂಡು ಪನ್ದ್ ತೆರಿದ್ ಬೈದ್ಂಡ್.
ಬೆಂಗಳೂರು ನಗರ, ಗ್ರಾಮಾಂತರ, ರಾಜ್ಯೊದ ಬೇತೆ ಬೇತೆ ಜಿಲ್ಲೆ ಸೇರ್ದ್ ಪಾಕ ಕಡೆಟ್ ದಗೆ ಬೊಕ್ಕ ಕಲ್ವೆದ ಪ್ರಕರಣೊಲೆಡ್ ಪಾಲ್ ಪಡೆತೆರ್. ವಿಚಾರಣೆದ ಪೊರ್ತುಡು ಆರೋಪಿಲೆನ ಬೇಲೆಲು ಮಾತ ಬೊಲ್ಪುಗು ಬೈದ.
ಜೂ.25 ತಾನಿ ಮಾಗಡಿ ಸಾದಿದ ಮಾಚೋಹಳ್ಳಿಡ್ ಬಂಗಾರ್ದಕಟ್ಟೆಗ್ ಗ್ಯಾಂಗ್ ಒಂಜಿ ಪೊಗ್ಗುದು ಪದ್ದೈ ಬಂಗಾರ್ ಕನ್ಡ್ದಿತ್ತ್ಂಡ್. ಪ್ಲಾಸ್ಟಿಕ್ ಗನ್ ಪತೊಂದು ಅಂಗಡಿದ ದನಿನ್ ಪೋಡಿಕಟ್ಟಾದ್ ಲೂಟುದಿತ್ತೆರ್. 90 ಗ್ರಾಂ ಬಂಗಾರ್ ಲಕ್ಕಾದ್ ಆರೋಪಿಲು ಪದ್ರಾಡಾದಿತ್ತೆರ್.
ಪ್ರಕರಣೊಡು ದೆಂಗ್ತಪ್ಪಾದಿತ್ತಿನ ಆರೋಪಿಲೆನ್ ಪೊಲೀಸೆರ್ ಕೈದ್ ಮಲ್ತ್ದೆರ್. ಒಡಿಪು, ಒಡಿಶಾ, ಕುಡ್ಲ ಮೂಲೊದ ಆರೋಪಿಲೆನ್ ಪತ್ತ್ದ್, ಅಕಲೆರ್ದ್ 30 ಲಕ್ಷ ರೂಪಾಯಿ ಮೌಲ್ಯೊದ 90 ಗ್ರಾಂ ಬಂಗಾರ್, ರಡ್ಡ್ ಕಾರ್ ವಶೊಕು ಗೆತೊಂದೆರ್.