Last updated on September 11th, 2025 at 08:43 am
ಕುಡ್ಲ, ಸೆ. 10: ರಾಷ್ಟ್ರೀಯ ಪೆರ್ಸಾದಿಡ್ ಇಪ್ಪುನ ಗುಂಡಿಲೆರ್ದಾವರ ಸಾರ್ವಜನಿಕೆರೆ ಜೂವೊಗು ಪಡಾಯಿ ಆವೊಂದುಪ್ಪುನೆರ್ದಾವರ, ಕಾಂಗ್ರೇಸ್ ಸೆಪ್ಟೆಂಬರ್ 12 ತಾನಿ ಕಾಂಡೆ ರಾಷ್ಟ್ರೀಯ ಪೆರ್ಸಾದಿದ ರಿಪೇರಿಗ್ ಒತ್ತಾಯ ಮಲ್ತ್ದ್, ರಾಷ್ಟ್ರೀಯ ಪೆರ್ಸಾದಿ ಕಛೇರಿಗ್ ಮುತ್ತಿಗೆ ಪಾಡುನ ಮುಕೇನ ಪೊರ್ಮ್ಬಾಟ ಮಲ್ಪರೆ ಉಂಡು.
ಈ ಬಗೆಟ್ ಒಲವು ಕೊರ್ತಿನ ಶಾಸಕೆ ಐವನ್ ಡಿಸೋಜಾ ರಾಷ್ಟ್ರೀಯ ಪೆರ್ಸಾದಿಡ್ ಇಂಚಿಪ ನಡತಿನ ಪಾಕ ನಡಕೆಲು ಅಮಾಯಕೆರೆನ ಜೂವೊನು ಬಲಿ ಗೆತೊಂದುಂಡು, ರಾಷ್ಟ್ರೀಯ ಪೆರ್ಸಾದಿನ್ ರಿಪೇರಿ ಮಲ್ಪಂದಿನವೇ ಉಂದೆಕ್ ನೆವನ. ರಾಷ್ಟ್ರೀಯ ಪೆರ್ಸಾದಿದ ರಿಪೇರ್ ಮಲ್ಪೆರ ಆಗ್ರಹ ಮಲ್ತ್ದ್ ತೇರಯದಿ:12.09.2025 (ಶುಕ್ರವಾರ ಕಾಂಡೆ 10:30 ಗಂಟೆಗ್ ನಂತೂರು ಜಂಕ್ಷನ್ಡ್ ಪೊರ್ಮ್ಬಾಟ ಬೊಕ್ಕ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರೊದ ಕಛೇರಿಗ್ ಮುತ್ತಿಗೆ ಪಾಡೆರೆ ಉಂಡು ಪನ್ದ್ ತೆರಿಪಾದೆರ್.