Last updated on September 16th, 2025 at 08:36 am
ಬಂಟ್ವಾಳ, ಸೆ. 16: ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಗುರುಪುರ ಬೊಕ್ಕ ಟೀಮ್ ತುಳುನಾಡ ಮಹಾತ್ಮೆ ಮೊಕಲೆನ ಒಟ್ಟು ಸೇರಿಗೆಡ್ ತುಳು ಲಿಪಿ ತರಗತಿ, ಪರೀಕ್ಷೆ ನಡತ್ದ್ ಪರೀಕ್ಷೆಡ್ ಪಾಸ್ ಆಯಿನಕ್ಲೆಗ್ ಕೋಡೆ, ಸೆಪ್ಟೆಂಬರ್ 15ತಾನಿ ಪರೀಕ್ಷಾ ಪ್ರಮಾಣ ಪತ್ರ ಪಟ್ಟುನ ಲೇಸ್ ಶಾಲೆದ ಸಭಾಂಗಣೊಡು ನಡತ್ಂಡ್.
ಲೇಸ್ದ ಗುರ್ಕಾರ್ಮೆನ್ ಬದ್ರಿಯಾ ನಗರ ಕ್ಲಸ್ಟರ್ದ ಸಮೂಹ ಸಂಪನ್ಮೂಲ ವ್ಯಕ್ತಿ ಶ್ರೀಮತಿ ಶೀಲಾವತಿ ವಯಿತೊಂಡೆರ್. ಜೋಕುಲೆಗ್ ಪ್ರಮಾಣ ಪತ್ರೊನು ‘ಸೊಲ್ಮೆ’ ಯೂಟ್ಯೂಬ್ ಚಾನೆಲ್ದ ವಿಜೆ ಮಧುರಾಜ್ ಪಟ್ಯೆರ್. ಮಲ್ಲ ಬಿನ್ನೆರ್ ಆದ್ ‘ಸು ಫ್ರೊಮ್ ಸೋ’ ಸಿನೆಮಾ ನಟಿ ಮಮತಾ ಶೆಟ್ಟಿ ಪಾಲ್ಪಡೆಯೆರ್. ಮಿತ್ತ ಚಾವಡಿಡ್ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರೆ ಚಂದ್ರಶೇಖರ ಭಟ್ ಜಿಕೆ, ಪ್ರಾಥಮಿಕ ಶಾಲೆದ ಮುಖ್ಯೋಪಾಧ್ಯಾಯನಿ ಶ್ರೀಮತಿ ಜಯಶ್ರೀ ಆಳ್ವಾ, ಪ್ರೌಢ ಶಾಲಾ ದೈಹಿಕ ಶಿಕ್ಷಣ ಶಿಕ್ಷಕಿ ಶ್ರೀಮತಿ ಜಯಶ್ರೀ ಶೆಟ್ಟಿ ಒತ್ತುಪಾಲ್ ಇತ್ತೆರ್. ತುಳುನಾಡ ಮಹಾತ್ಮೆ ಕೂಟದ ಪದುಕೆದಿ ರೂಪಿಕಾ ಶೆಟ್ಟಿ ವಾಮಂಜೂರು ಲೇಸ್ನ್ ಸುದಾರಿಕೆ ಮಲ್ತೆರ್.