Last updated on September 15th, 2025 at 05:21 pm
ಉಳ್ಳಾಲ, ಸೆ. 15: ಸೌದಿ ಅರೇಬಿಯಾಡ್ ನಡತಿನ ರಡ್ಡ್ ಬಸ್ಲೆನ ನಡುತ ಎಡ್ತೆಡ್ ಉಳ್ಳಾಲ ಮಿಲ್ಲತ್ ನಗರೊದ ಜವನೆ ಒರಿ ತೀರ್ದಿನ ನಡಕೆ ವರದಿ ಆದ್ಂಡ್.
ತೀರ್ದಿನಾರೆನ್ ಮಿಲ್ಲತ್ ನಗರ ನಿವಾಸಿ ಅಬ್ದುಲ್ ರಾಝಿಕ್ (27) ಪನ್ದ್ ಗುರ್ತ ಪತ್ತ್ದೆರ್. ಅಬ್ದುಲ್ ರಾಝಿಕ್ ಸೌದಿ ಅರೇಬಿಯಾಡ್ ಬೇಲೆದ ಮಿತ್ತ್ ಬಸ್ಡ್ ಪೋವೊಂದುಪ್ಪುನಗ ಈ ಎಡ್ತೆ ನಡತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ಸೌದಿ ಅರೇಬಿಯಾದ ಜುಬೈಲ್ ದ ಪಾಲಿಟೆಕ್ ಕಂಪೆನಿ ಒಂಜೆಟ್ ಬೇಲೆ ಮಲ್ತೊಂದಿತ್ತಿನ ಅಬ್ದುಲ್ ರಾಝಿಕ್ ಸೆಪ್ಟೆಂಬರ್ 14ತಾನಿ ಬಯ್ಯಡ್ ರಾತ್ರೆದ ಶಿಫ್ಟ್ದ ಬೇಲೆಗ್ ಬಸ್ಡ್ ಪೋವೊಂದುಪ್ಪುನಗ ಈ ನಡಕೆ ನಡತ್ದ್ಂಡ್. ಮೇರ್ ಪೋವೊಂದಿತ್ತಿನ ಬಸ್ಸ್ಗ್ ಕುಡೊಂಜಿ ಬಸ್ ಎಡ್ತ್ದ್ಂಡ್. ಉಂದೆರ್ದಾವರ ಗಾತಿದ ಗಡಿಕುಲಾತಿನ ರಾಝಿಕ್ ಅಲ್ಪನೇ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಸೌದಿ ಅರಬಿಯಾದ ಜುಬೈಲ್ ಡ್ ಪಾಲಿಟೆಕ್ ಪನ್ಪಿ ಕಂಪೆನಿಡ್ ಬೇಲೆ ಮಲ್ತೊಂದಿತ್ತಿನ ಆರ್, ಕರಿನ ಜುಲೈ 11ತಾನಿ ಊರ್ಗ್ ಬತ್ತಿತ್ತೆರ್. ಒಂಜಿ ತಿಂಗೊಲ್ದ ರಜೆ ಮುಗಿತ್ದ್ ಆಗಸ್ಟ್ 15ತಾನಿ ರಡ್ಡನೇ ಸರ್ತಿ ಪಿದಯೂರುಗು ಪೋದಿತ್ತೆರ್.