Last updated on October 7th, 2025 at 02:52 pm
ಬೆಂಗಳೂರು, ಅ. 07: ರಾಜ್ಯ ಸರ್ಕಾರೊದ ಮಹತ್ವಪೂರ್ಣ ಯೋಜನೆ ಆಯಿನ ಸಾಮಾಜಿಕ ಬೊಕ್ಕ ಶೈಕ್ಷಣಿಕ ಸಮೀಕ್ಷೆ ಪತ್ತ ಆವಂದಿನೆರ್ದಾವರ ಅಂಚೆನೇ ಸಮೀಕ್ಷೆಗ್ ಟೀಚರ್ನಕ್ಲೆನ್ ಗಲಸುನ ಉದ್ದೇಶೊಡು ಸರ್ಕಾರಿ ಬೊಕ್ಕ ಅನುದಾನಿತ ಶಾಲೆಲೆಗ್ ಇತ್ತೆ ಮಾರ್ನೆಮಿ ರಜೆನ್ ಅ.18 ಮುಟ್ಟ ವಿಸ್ತರಿತ್ದ್ ರಾಜ್ಯ ಸರ್ಕಾರ ನಿರ್ಧಾರ ಗೆತೊಂದುಂಡು.
ಇನಿ ನಡತಿನ ಇನಯೊಡು ಈ ಬಗೆಟ್ ಚರ್ಚೆ ಮಲ್ತಿನ ಸಿಎಂ, ಅಕ್ಟೋಬರ್ 19ಗ್ ದುಂಬೇ ಸರ್ವೇ ಮುಗಿತ್ ಕೊರ್ಪ ಪನ್ದ್ ಶಿಕ್ಷಕೆರ್ ಪಾತೆರ ಕೊರ್ತೆರ್. ಸರ್ವೇಗ್ ಒಟ್ಟು 12 ದಿನೊ ತಿಕ್ಕುಂಡು. ಈ ಅವಧಿದುಲಯಿ ನಮ ಮುಗಿಪೊಡಾತೆ. ಬೇಲೆ ಆವೊಡಾಂಡ ರಜೆ ಕೊರೊಡು ಪನ್ದ್ ಶಿಕ್ಷಕೆರೆ ಸಂಘೊ ಬಿನ್ನಪು ಮಲ್ತಿತ್ತ್ಂಡ್. ಆಂಚಾದ್ ಸರ್ಕಾರಿ ಬೊಕ್ಕ ಅನುದಾನಿತ ಶಾಲೆಲೆಗ್ ಮಾತ್ರ ಎಲ್ಲೆರ್ದ್ ಅ.18 ಮುಟ್ಟ ರಜೆ ಕೊರ್ತ ಪನ್ದ್ ಸಿಎಂ ಸಿದ್ದರಾಮಯ್ಯೆ ಪನ್ಡೆರ್.
ಈ ಸರ್ವೆರ್ದ್ ಪಿರಜಾರುನ ಟೀಚರ್ನಕ್ಲೆನ ಮಿತ್ತ್ ಶಿಸ್ತ್ದ ಕ್ರಮ ಗೆತೊನುವ. ಸಮೀಕ್ಷೆಡ್ 1.20 ಲಕ್ಷ ಶಿಕ್ಷಕೆರ್ ಪಾಲ್ ಪಡೆತೆರ್. ಇತ್ತೆದ ಮಟ್ಟ್ಗ್ ಪಿಯುಸಿ ಉಪನ್ಯಾಸಕೆರ್ ಸರ್ವೇಡ್ ಪಾಲ್ಪಡೆಯೆರ ಇಜ್ಜಿ ಪನ್ದ್ ಸಿಎಂ ಪನ್ಡೆರ್.