ಕಡಬ ತಾಲೂಕ್‌ದ ಕಡೀರ ತುಳು ಸಮ್ಮೇಳನ: ಬಿನ್ನಪುದೋಲೆ ಬುಡುಗಡೆ ಮಲ್ತೆರ್ ಕುಡುಮದ ಖಾವಂದೆರ್

Last updated on October 29th, 2025 at 02:41 pm

ಕಡಬ: ಡಿಸೆಂಬರ್ ತಿಂಗೊಲ್ದ ಅಕೇರಿದ ವಾರೊಡು ನಡಪುನ ಕಡಬ ತಾಲೂಕುದ ಕಡೀರ ತುಳು ಸಮ್ಮೇಳನೊದ ಬಿನ್ನಪುದೋಲೆನ್ ಅ.27ತಾನಿ ಕುಡುಮಡ್ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ ಬುಡುಗಡೆ ಮಲ್ತೆರ್.

ನೇತ್ರಾವತಿ ತುಳುಕೂಟ ರಾಮಕುಂಜ ಉಂದೆತ ಮುತಾಲಿಕೆಡ್, ತೆಗ್‌ರ್ ತುಳುಕೂಟ ನೂಜಿಬಾಳ್ತಿಲ ಉಂದೆತ ನಿರೆಲ್‌ಡ್ ಕಡಬ ಕುಟ್ರುಪ್ಪಾಡಿ ಗ್ರಾಮೊದ ಕೇಪು ಶ್ರೀ ಮಹಾಗಣಪತಿ ಲಕ್ಷ್ಮಿ ಜನಾರ್ದನ ಆಂಜನೇಯ ದೇಲಂತಡೆಡ್ ಈ ಸಮ್ಮೇಳನ ನಡಪರೆಗುಂಡು.

ಈ ಪೊರ್ತುಡು ನೇತ್ರಾವತಿ ತುಳುಕೂಟೊದ ಅಧ್ಯಕ್ಷೆರ್ ಕೆ.ಸೇಸಪ್ಪ ರೈ, ನೂಜಿಬಾಳ್ತಿಲ ತೆಗ್‌ರ್ ತುಳುಕೂಟೊದ ಸಂಚಾಲಕೆರ್ ಉಮೇಶ್ ಸಾಯಿರಾಮ್, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಕಡಬ ತಾಲೂಕ್ ಯೋಜನಾಧಿಕಾರಿ ಪ್ರಕಾಶ್, ತಾ.ಪಂ.ಮಾಜಿ ಅಧ್ಯಕ್ಷೆದಿ ಪುಲಸ್ತ್ಯ ರೈ ಕುಂಟೋಡಿ, ಕಡಬ ಶ್ರೀಕಂಠ ಸ್ವಾಮಿ ಮಹಾಗಣಪತಿ ದೇಲಂತಡೆದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆ ಹರೀಶ್ ರೈ, ಸತೀಶ್ ಕರ್ಮೇಣ, ದಯಾನಂದ ಗೌಡ ಪುರಿಯ, ಚನ್ನಕೇಶವ ಗುತ್ತುಪಾಲು, ರಮೇಶ್ ರೈ ರಾಮಜಾಲ್, ಸರಿತಾ ಜನಾರ್ದನ, ಕಿಶೋರ್ ಕುಮಾರ್ ಬಿ. ಒತ್ತುಪಾಲ್ ಇತ್ತೆರ್.