Last updated on October 15th, 2025 at 04:25 pm
ಕಾಸ್ರೋಡ್, ಅ. 15 : ಬೇತೂರು ಪಾರ ಮುಟ್ಟಡ್ ಇನಿ, ಬುಧವಾರ ಕಾಂಡೆ ನಡತಿನ ಆ್ಯಕ್ಸಿಡೆಂಟ್ಡ್ ಪ್ರೈವೇಟ್ ಆಸ್ಪತ್ರೆದ ಫೈನಲ್ ಇಯರ್ ಎಂ.ಬಿ.ಬಿ.ಎಸ್ ಕಲ್ತೊಂದಿತ್ತಿನ ಪೊಣ್ಣು, ಬೇಡಡ್ಕ ಬೇತೂರುಪಾರ ತಚ್ಚಾರ್ ಕುಂಡುದ ಮಹಿಮಾ (19) ತೀರ್ದೆರ್.
ಕಾಂಡೆ ಇಲ್ಲದ ಅದೆಟ್ ಮಹಿಮಾ ಬಲ್ಲ್ ಪಾಡೊಂದಿನ ಸ್ಥಿತಿಟ್ ಇತ್ತಿನೆನ್ ತೂಯಿನ ಪಲಯೆ ಮಹೇಶ್ ಅಪಗನೇ ಕಾರ್ಡ್ ಕಾಸ್ರೋಡ್ದ ಆಸ್ಪತ್ರೆಗ್ ಲೆತೊಂದು ಪೋನಗ ಆ್ಯಕ್ಸಿಡೆಂಟ್ ನಡತ್ದ್ಂಡ್. ಇಲ್ಲರ್ದ್ ಒಂಜಿ ಕಿ.ಮೀ ದೂರೊಡು ಎಡ್ತೆ ನಡತ್ದ್ಂಡ್.
ಅಲ್ಪದಕುಲು ಅಪಗನೇ ಇರ್ವೆರೆನ್ಲಾ ಆಸ್ಪತ್ರೆಗ್ ಎತ್ತಾದೆರ್. ಆಂಡ ಮಹಿಮಾ ಆ ಪೊರ್ತುಗಾನಗ ತೀರ್ದೆರ್. ಮಹೇಶ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್. ಪುನೊನು ಕಾಸ್ರೋಡ್ ಜನರಲ್ ಆಸ್ಪತ್ರೆದ ಶವಾಗಾರೊಡು ದೀದಿತ್ತ್ದ್, ಮರಣೋತ್ತರ ಪರೀಕ್ಷೆ ಆದ್ ಇಲ್ಲದಕ್ಲೆಗ್ ಬುಡ್ದು ಕೊರ್ಪೆರ್.
ಮಹಿಮಾ ಬಲ್ಲ್ ಪಾಡೊಂದು ತೀರ್ದೆರಾ ಅತ್ತ್ ಆ್ಯಕ್ಸಿಡೆಂಟ್ಡ್ ತೀರ್ದೆರಾ ಪನ್ದ್ ಬೇಡಡ್ಕ ಸ್ಟೇಶನ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
ಆ್ಯಕ್ಸಿಡೆಂಟ್ಡ್ ತೀರ್ದಿನಾ ಅತ್ತ್ ಬಲ್ಲ್ ಪಾಡೊಂದು ತೀರ್ದಿನ್ನಾ ಪನ್ದ್ ಮರಣೋತ್ತರ ಪರೀಕ್ಷೆದ ವರದಿ ಬತ್ತಿ ಬೊಕ್ಕ ಪತ್ತ ತೆರಿಯುಂಡು ಪನ್ದ್ ಪೊಲೀಸೆರ್ ತೆರಿಪಾದೆರ್.