Last updated on November 17th, 2025 at 11:41 am
ಕಡಬ: ಇಲ್ಲ ಪಿದಯಿದ ಕೊಟ್ಯಡ್ ಜೆತ್ತಿತ್ತಿನ ಪೊಂಜೊವು ಒರ್ತಿಗ್ ಲೈಂಗಿಕ ಕಿರುಕುಳ ಕೊರ್ಯೆರ ತೂತಿನ ಆರೋಪಿನ್ ಕಡಬ ಪೊಲೀಸೆರ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.
ಉಮೇಶ್ ಗೌಡೆ ಕೈದಾತಿನ ಆರೋಪಿ, ಉಂಬ್ಯೆ ನ.13ತಾನಿ ರಾತ್ರೆ ಪೊಂಜೊವು ಒರ್ತಿ ತನ್ನ ಇಲ್ಲ ಪಿದಯಿದ ಕೊಟ್ಯಡ್ ಜೆತ್ತಿತ್ತಿನ ಪೊರ್ತುಡು, ಅಡೆ ಪೋದು ಲೈಂಗಿಕ ಕಿರುಕುಳ ಕೊರ್ಯೆರ ತೂತೆ. ಈ ಪೊರ್ತುಡು ಪೊಂಜೊವು ಸಕಾಯೊಗು ಜೋರು ಬೊಬ್ಬೆ ಪಾಡ್ದಿತ್ತ್ದ್ ಇಲ್ಲದುಲಯಿರ್ದ್ ಪೊಂಜೊವುನ ಕಂಡನೆ ಬೊಕ್ಕ ಜೋಕುಲು ಬಲಿತೊಂದು ಬತ್ತ್ದೆರ್. ಈ ಪೊರ್ತುಡು ಆರೋಪಿ ನೆಟೆದಾಯೆನೇ ಆಯಿನ ಉಮೇಶ್ ಗೌಡೆ ಪನ್ದ್ ಗುರ್ತ ಪತ್ತ್ದ್, ಆಯನ್ ಪತ್ಯೆರೆ ತೂನಗ ಆಯೆ ಮಾತೆರೆಗ್ಲಾ ಹಲ್ಲೆ ಮಲ್ತ್ದ್ ಪದ್ರಾಡಾದಿತ್ತೆ. ಈ ಪೊರ್ತುಡು ಪೊಂಜೊವುಗು ಜಾತಿ ನಿಂದನೆಲಾ ಮಲ್ತ್ದೆ. ಈ ಬಗೆಟ್ ಪೊಂಜೊವು ಬರೆಪಾದಿನ ಒಯಿಲ್ದ ಪ್ರಕಾರ ಪ್ರಕರಣ ದಾಕಲ್ತೊಂದಿನ ಕಡಬ ಪೊಲೀಸೆರ್ ಆರೋಪಿನ್ ನ.16ತಾನಿ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.