Last updated on November 12th, 2025 at 09:31 am
ರಾಮಕುಂಜ, ನ. 12: ನೇತ್ರಾವತಿ ತುಳು ಕೂಟ ರಾಮಕುಂಜ ಉಂದೆತ ಮುತಾಲಿಕೆಡ್ ಅಂಚೆನೇ ತೆಗ್ರ್ ತುಳುಕೂಟ ನೂಜಿಬಾಳ್ತಿಲ ಉಂದೆತ ನಿರೆಲ್ಡ್ ಡಿಸೆಂಬರ್ 21 ಕ್ ಕಡಬದ ಕೇಪು ಕುಟ್ರುಪ್ಪಾಡಿ ಶ್ರೀ ಮಹಾಗಣಪತಿ ಲಕ್ಷ್ಮೀ ಜನಾರ್ಧನ ಆಂಜನೇಯ ದೇಲಂತಡೆದ ಸಭಾಭವನೊಡು ನಡಪುನ ಕಡಬ ತಾಲೂಕುದ ಕಡೀರ ತುಳು ಸಮ್ಮೇಳನೊದ ಲೆಕ್ಕೊಡು ನವೆಂಬರ್ 16ನೇ ಐತಾರ, ಬೊಂತೆಲ್ಡ್ 30 ಪೋಪಿನಾನಿ ಕಾಂಡೆ 9:00 ರ್ದ್ ರಾಮಕುಂಜದ ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆಡ್ ‘ಮೂಲ ಜನಪದ ನಲಿಕೆ ಪಂತೊ’ ನಡಪರೆಗುಂಡು.
ಈ ಪಂತೊಡು ಚೆನ್ನು ನಲಿಕೆ, ಕನ್ಯಾಪು, ಕಂಗೀಲ್ ಬೊಕ್ಕ ಕರಂಗೋಲ್ ನಲಿಕೆಲು ಇಪ್ಪುವ.
ಸೂಚನೆಲು
• ಕಡಬ ತಾಲೂಕ್ಡ್ ಒಕ್ಕೆಲ್ ಇಪ್ಪುನಕ್ಲೆಗ್ ಮಾತ್ರ ಈ ಪಂತೊಡು ಪಾಲ್ಪಡೆಯೆರ ಅವಕಾಶ
• ನಲಿಕೆಡ್ ಹಿಮ್ಮೇಳದಕ್ಲೆನ್ ಸೇರ್ದ್ 15 ರ್ದ್ ಎಚ್ಚ ಜನ ಇಪ್ಪೆರೆ ಬಲ್ಲಿ (ಹಿಮ್ಮೇಳಗ್ ಪ್ರಾಧಾನ್ಯತೆ ಇಜ್ಜಿ)
• ಕ್ಯಾಸೆಟ್, ಪೆನ್ಡ್ರೈವ್, ಮೊಬೈಲ್ ಗಲಕೆಗ್ ಅವಕಾಶ ಇಜ್ಜಿ.
• ಚೆನ್ನು, ಕನ್ಯಾಪು, ಕರಂಗೋಲ್, ಕಂಗೀಲ್ ಈ ನಾಲೆಟ್ ಒವ್ವಾಂಡಲಾ ಒಂಜೆನ್ ಅಜತೊನೊಡು.
• ಈ ಪಂತೊ ಪ್ರಾಥಮಿಕ, ಪ್ರೌಢ, ಪದವಿಪೂರ್ವ ಬೊಕ್ಕ ಸಾರ್ವಜನಿಕ ಇಂಚ ನಾಲ್ ವಿಭಾಗೊಡು ನಡಪುಂಡು.(ಹಿಮ್ಮೇಳಡ್ಲಾ ಅವ್ವೇ ವಿಭಾಗದಕ್ಲು ಇಪ್ಪೊಡು)
• ತುತ್ತೈತ, ವಾದ್ಯ, ಡೋಲು, ಪದ ಪನ್ಪಿನಕ್ಲೆನ್ ಪಂತೊದಾಲ್ಲೇ ಅಟ್ಟನೆ ಮಲ್ಪೊಡು.
• ಪಜ್ಜೆ, ತುತ್ತೈತ, ಭಾವಾಭಿನಯ, ನಲಿಕೆ ಬೊಕ್ಕ ಕೋಆರ್ಡಿನೇಷನ್ಗ್ ಪ್ರಾಧಾನ್ಯತೆ
ಪಾಲ್ಪಡೆಯೆರ ಉಮೇದ್ ಇತ್ತಿನಕುಲು ನವೆಂಬರ್ 12 ಕ್ ದುಂಬು ಸರಿತಾ ಜನಾರ್ದನ ರಾಮಕುಂಜ : 9008150843 , ಕಿಶೋರ್ ಕುಮಾರ್ : 8191464142 , ಪ್ರೇಮಾ ಬಿ : 9980903545 ಮೊಕಲೆಡ ಏರೆಡಲ ಪುದರ್ ಕೊರೊಡು ಪನ್ದ್ ಸಂಘಟಕೆರ್ ತೆರಿಪಾದೆರ್. ಅಂಚೆನೇ ಎಚ್ಚಿನ ಒಲವುಗು ಮಿತ್ತ್ ಕೊರ್ತಿನ ಮೊಬೈಲ್ ನಂಬರ್ಲೆಗ್ ಲೆಪ್ಪು ಕೊರೊಲಿ.