ಬಂಟ್ವಾಳ: ರಾಜ್ಯ ಮಟ್ಟೊದ ಪೊಣ್ಣುಲೆನ ಕರಾಟೆ ಪಂತೊಡು ಬಂಗಾರ್‌ದ ಪದಕೊ ಗೆಂದಿಯೆರ್ ಸಾನ್ವಿ.ಕೆ.

Last updated on November 12th, 2025 at 08:11 am

ಬಂಟ್ವಾಳ, ನ. 11: ಕರ್ನಾಟಕ ಸರಕಾರ ಸಾರ್ವಜನಿಕ ಶಿಕ್ಷಣ ಇಲಾಖೆದ ಮುತಾಲಿಕೆಡ್ ಚಿಕ್ಕಬಳ್ಳಾಪುರ ಜಿಲ್ಲಾ ಕ್ರೀಡಾಂಗಣೊಡು ನಡತಿನ ರಾಜ್ಯ ಮಟ್ಟೊದ 17 ವರ್ಸೊದುಲಯಿದ ಪೊಣ್ಣುಲೆನ ಕರಾಟೆ ಪಂತೊಡು ಬಂಟ್ವಾಳ ವಿದ್ಯಾಗಿರಿ ಎಸ್.ವಿ.ಎಸ್. ಆಂಗ್ಲ ಮಾಧ್ಯಮ ಪ್ರೌಢಶಾಲೆಡ್ 9ನೇ ಕ್ಲಾಸ್ ಕಲ್ತೊಂದುಪ್ಪುನ ಸಾನ್ವಿ.ಕೆ. ಮೇರ್ ಕಡೀರ ತಾನೊದೊಟ್ಟುಗು ಬಂಗಾರ್‌ದ ಪದಕ ಅಂಚೆನೇ ಪ್ರಮಾಣ ಪತ್ರ ಗೆಂದ್‌ದೆರ್.

ಉತ್ತರ ಪ್ರದೇಶೊಡು ನಡಪುನ ರಾಷ್ರ್ಟಮಟ್ಟೊದ ಕರಾಟೆ ಪಂತೊಗು ಅಜತ್ ಬೈದೆರ್. ಮೇರ್ ರಾಜ್ಯ ಗುಪ್ತ ವಾರ್ತಾ ವಿಭಾಗೊಡು ಬೇಲೆ ಮಲ್ತೊಂದುಪ್ಪುನ ಕೃಷ್ಣ ಕುಲಾಲ್ ಬೊಕ್ಕ ಅಶ್ವಿನಿ ದಂಪತಿಲೆನ ಮಗಲ್. ಅಶೋಕ್ ಆಚಾರ್ಯ ಬಂಟ್ವಾಳ ಮೆರೆನ ಕರಾಟೆ ಗುರು ಆದುಲ್ಲೆರ್.