Last updated on November 4th, 2025 at 09:24 am
ಭೋಪಾಲ್, ನ. 04: 172 ಪ್ರಯಾಣಿಕೆರೆನ್ ಲೆತೊಂದು ದೆಲ್ಲಿರ್ದ್ ಬೆಂಗಳೂರ್ಗ್ ಪೋವೊಂದಿತ್ತಿನ ಏರ್ ಇಂಡಿಯಾ ವಿಮಾನೊನು ತಾಂತ್ರಿಕ ದೋಷೊರ್ದಾವರ ಸೋಮವಾರ ಬಯ್ಯಡ್ ಭೋಪಾಲ್ ಗ್ ತಿರ್ಗಾವೊಡಾದ್ ಬತ್ತ್ಂಡ್.
ದೆಲ್ಲಿದ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ಉಂತಡೆರ್ದ್ ಬಯ್ಯ 6.47ಕ್ ಎಐ 2487 ನಿಯೋ ವಿಮಾನ ಪಿದಡ್ದಿತ್ತ್ಂಡ್.
ಸೇಫ್ ಲ್ಯಾಂಡಿಂಗ್ ಮಲ್ಪೆರೆ ಬೋಡಾದ್ ಬಯ್ಯ 7.30 ತ ಅಂದಾಜಿಗ್ ತುರ್ತು ಪರಿಸ್ಥಿತಿ ಘೋಷಣೆ ಮಲ್ತ್ದ್, ವಿಮಾನೊನು ಭೋಪಾಲ್ಡ್ ಲ್ಯಾಂಡ್ ಮಲ್ದೆರ್.
ನವೆಂಬರ್ 3 ತಾನಿ ದೆಲ್ಲಿರ್ದ್ ಬೆಂಗಳೂರ್ಗ್ ಪೋವೊಂದಿತ್ತಿನ ವಿಮಾನ ಎಐ 2487 ನ್ ಅನುಮಾನಾಸ್ಪದ ತಾಂತ್ರಿಕ ತಲೆಪುರ್ದಾವರ ಭೋಪಾಲ್ಗ್ ತಿರ್ಗಾದ ಪನ್ದ್ ಏರ್ ಇಂಡಿಯಾ ಪ್ರಕಟಣೆಡ್ ತೆದರಿಪಾದ್ಂಡ್. ವಿಮಾನ ದಾಲ ಪಡಾಯಿದಾಂತೆ ಜತ್ತ್ದ್ಂಡ್ ಅಂಚೆನೇ ದುಂಬೆಚ್ಚರ್ಗೆದ ಚೆಕಪ್ ನಡತೊಂದುಂಡು.