ಕಾಂಗ್ರೆಸ್ ಪೆರಿಯ ಶಾಸಕೆ ಶಾಮನೂರು ಶಿವಶಂಕರಪ್ಪೆ ತೀರ್ಯೆರ್

Last updated on December 15th, 2025 at 06:50 am

ಬೆಂಗಳೂರು, ಡಿ. 15: ದಾವಣಗೆರೆ ತೆನ್ಕಾಯಿ ಕ್ಷೇತ್ರೊದ ಕಾಂಗ್ರೆಸ್ ಶಾಸಕೆ ಬೊಕ್ಕ ಅಖಿಲ ಭಾರತ ವೀರಶೈವ ಮಹಾ ಸಭೆಯ ರಾಷ್ಟ್ರೀಯ ಅಧ್ಯಕ್ಷೆರಾಯಿನ ಶಾಮನೂರು ಶಿವಶಂಕರಪ್ಪೆ (94) ತೀರ್ಯೆರ್. ವಯೋಸಹಜ ಸಮಸ್ಯೆಲು ಇತ್ತಿನ ಶಾಮನೂರು ಶಿವಶಂಕರಪ್ಪೆರೆನ್ ಬೆಂಗಳೂರ್‌ದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಆಂಡ, ಮರ್ದ್ ಪಲಿಪಂದೆ ಕೋಡೆ (ಡಿಸೆಂಬರ್ 14) ಬಯ್ಯಡ್ ತೀರ್ದೆರ್.

94 ವರ್ಸೊದ ಶಾಮನೂರು ಶಿವಶಂಕರಪ್ಪೆರ್, ಭಾರತೊಡೇ ಪೆರಿಯ ಶಾಸಕೆ ಪನ್ಪಿ ಪುಗರ್ತೆ ಪಡೆದಿತ್ತೆರ್. ಆಂಡ, ವಯೋಸಹಜ ಅನಾರೋಗ್ಯರ್ದಾವರ ಕರಿನ ಒಂತೆ ದಿನೊರ್ದು ಬೆಂಗಳೂರ್‌ದ ಸ್ಪರ್ಶ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಆಂಡ ಮರ್ದ್ ಪಲಿಪಂದೆ ಕೋಡೆ ತೀರ್ದೆರ್.

ಭಾರತೊದ ಮಸ್ತ್ ಪೆರಿಯ ಶಾಸಕೆರಾದಿತ್ತಿನ ಶಾಮನುರ ಶಿವಶಂಕರಪ್ಪೆ ರ್ ಜೂನ್ 16, 1931 ತಾನಿ ದಾವಣಗೆರೆಡ್ ಪುಟ್ಟುದಿತ್ತೆರ್, ಸಾಮಾನ್ಯ ಇಲ್ಲರ್ದ್ ಬತ್ತ್‌ದ್ ರಾಜಕೀಯ, ಶಿಕ್ಷಣ, ಉದ್ಯಮ ಬೊಕ್ಕ ಸಮಾಜಸೇವೆಡ್ ತನ್ನನೇ ಪುದರ್ ಮಲ್ತ್‌ದೆರ್.